ភ្នំពេញ៖ មហាជនដែលចូលចិត្តទស្សនា និងស្តាប់បទចម្រៀងលក្ខណៈបែបមនោសញ្ចេតនា រណ្តំដួងចិត្ត ប្រាកដជាបានស្គាល់ហើយតារាដែលមានកម្ពស់ល្មមសមរាងសង្ហា មុខញញឹមមានមន្តស្នេហ៍ គឺលោក រ័ត្ន មករា នៅតែទទួលបានការគាំទ្រយ៉ាងខ្លាំងពីមហាជនតាមរយៈសំនៀងដ៏ក្រអួនក្រអៅរបស់លោក ដែលបំពេសណ្តំព្រលឹងឲ្យអន្លង់អន្លោចតាមសម្លេង និងអត្ថន័យបទចម្រៀង ។
ជាក់ស្តែងថ្មីៗនេះតារាចម្រៀងវ័យកណ្តាលរាងសង្ហារូបនេះ ទើបបានចេញបទចម្រៀងថ្មីមួយបទៀតគឺបទ «ភពដែលគ្មានស្នេហ៍» បានធ្វើឲ្យទស្សនិកជនចាប់អារម្មណ៍ជាខ្លាំងអំពីការ បង្ហាញនូវទិដ្ឋភាមតាមឆ្នេរសមុទ្រខ្មែរយ៉ាងស្រស់ស្អាត ជាមួយនឹងការសម្តែងយ៉ាងប៉ិនប្រសព្វបង្កបដោយទេពកោសល្យខ្ពស់ ដែលលោកបានបញ្ចេញនូវកាយវិកា ទឹកមុខចូលទៅក្នុងអត្ថន័យបទចម្រៀង រួមផ្សំនឹងសម្លេងដ៏ទន់ផ្អែមធ្ងន់ មានទឹកដម ក្រអួនក្រអៅ ពិតជាបានឆក់យកបេះដូងអ្នកគាំទ្រមិនតិចនោះទេ ។
បើតាមតារាចម្រៀងសំនៀងក្រអួនរូបនេះ បានបង្ហើបនូវអាថ៌កំបាំងពិសេសឲ្យដឹងថា លោកតែងចំណាយពេលហាត់ប្រាណជាប្រចាំ ដើម្បីថែរក្សាសុខាភាព ថែរក្សារាង និងសម្លេងឲ្យបានល្អផង ។ ប្រសិនបើបានហាត់ប្រាណជាប្រចាំធ្វើឲ្យសម្លេងរបស់យើងណែនល្អប្រកបដោយថាមពល ធ្វើឲ្យសួតមានកម្លាំង និងធ្វើឲ្យប្រាជ្ញាស្មារតី រាងកាយស្វាហាប់រហ័សរហួនរឹងមាំបានល្អ ។ ទន្ទឹមនឹងនេះលោកក៏បានថែរក្សា និងហ្វឹកហាត់សម្លេងជាប្រចាំផងដែរ ។
បន្ថែមពីលើនេះលោកបានបង្ហើបនូវអាថ៌កំបាំងពិសេសមួយទៀត ក៏ជាចំណុចដែលមហាជនចង់ដឹងផងដែរនោះគឺការថែរក្សាវ័យ និងសម្រស់ ព្រោះលោកគិតថាជារឿងសំខាន់មួយដែលត្រូវយកចិត្តទុកដាក់ ។ ដល់ចំណុចនេះលោកបានលួចបង្ហើបថា លោកតែងប្រើប្រាស់នូវផលិតផលមួយចំនួនដែលត្រូវនឹងបុរសរបស់ក្រុមហ៊ុនគ្រួសាកក់ក្តៅតាមរយៈតំណាងចែកចាយធំ ពេជ្រខួច(Pich Khouch)ក្នងនោះមានដូចជាផលតិផលថ្នាំលាបសក់ជាដើម ។ លោកប្រាប់ថា លោកមានទំនុកចិត្តជាមួយផលិតផលក្រុមហ៊ុននេះដោយសារគ្រប់ផលិតផលដែលលោកបានប្រើសុទ្ធសឹងជាផលិតផលដែលមានគុណភាពខ្ពស់ មិនតែប៉ុណ្ណោះលោកលើកទឹកចិត្តដល់អ្នកគាំទ្រឲ្យប្រើទៀតផង ។
សូមជម្រាបថា តារាចម្រៀងរ័ត្ន មករា មិនត្រឹមតែមហាជនក្នងប្រទេសកម្ពុជាតែប៉ុណ្ណោះទេ ដែលគាំទ្រ ។ ប្រពលរដ្ឋខ្មែរដែលនៅក្រៅប្រទេសក៏គាំទ្ររូបលោកជាច្រើផងដែរ ដែលតែងតែអញ្ជើញលោកឲ្យទៅសម្តែងនៅទីនោះជាញឹកញាប់ដូចជានៅបារាំង អាមេរិក និងអូស្ត្រាលីជាដើម ៕
