កម្មវិធីប្រកួតកញ្ញាឯកចក្រវាលឆ្នាំ២០២០ មានមាសភាពបេក្ខភាព Miss Universe Cambodia 2020 ទាំង២០រូបជាផ្លូវការហើយ ដោយពួកគេបានមកបង្ហាញសមត្ថភាពរួមគ្នានៅលើកញ្ចក់ទូរទស្សន៏បាយ័ន នាវគ្គពាក់កណ្តាលផ្តាច់ព្រ័ត្រ។ ២០ជាកំពូលស្រីស្អាត បានបង្ហាញទេពកោសល្យជាច្រើនវគ្គ ដើម្បីរកមើលបេក្ខនារីណាខ្លះជាអ្នកធ្វើបានល្អ។
អស្ចារ្យ ទៀតនោះបេក្ខភាពដែលបានដាក់ពាក្យចូលប្រកួតឆ្នាំនេះ សុទ្ធសឹងជានារីមានរូបឆោមស្រស់សោភា ពោរពេញដោយសមត្ថភាព និងចំណេះដឹង។ តាមការឲ្យដឹងពី លោក ម៉ែន និមលរតន៍ អ្នករៀបចំកម្មវិធីប្រកួត Miss Universe Cambodia 2020 បេក្ខភាព២០រូបដែលទើបប្រកាសជាផ្លូវការនេះ មិនត្រឹមតែស្អាត រូបសម្បត្តិបានប៉ុណ្ណោះទេ ថែមទាំងអាចប្រើប្រាស់ភាសាអង់គ្លេសបានប្រសើរជាងឆ្នាំកន្លងទៅទៀតផង។លោកបន្ថែមថា សម្រាប់ការប្រកួតកញ្ញាឯកចក្រវាលឆ្នាំ២០២០ មានអ្នកពាក្យប្រមាណជាង១០០នាក់ ប៉ុន្តែមានបេក្ខភាពជាង២០នាក់ប៉ុណ្ណោះដែលបានជាប់ក្នុងបញ្ជីឈ្មោះ ហើយមានតែ២០នាក់ដែលត្រូវជាប់ជាបេក្ខភាពផ្លូវការរបស់កម្មវិធីនេះ។ចាប់ពីថ្ងៃប្រកាសជាផ្លូវការនេះ បេក្ខភាពទាំងអស់នឹងត្រូវធ្វើការជាមួយគ្នារយៈពេល៥សប្តាហ៍ ពោលគឺរហូតដល់ថ្ងៃប្រកួតផ្តាច់ព្រាត់នៅចុងខែ វិច្ឆកា ឆ្នាំ២០២០ខាងមុខ។អ្នករៀបចំកម្មវិធីរូបនេះឲ្យដឹងបន្តថា វិញ្ញាសារការប្រកួតឆ្នាំនេះប្លែកៗច្រើនជាង ហើយលំបាកជាងឆ្នាំមុនៗ ទាមទារឲ្យបេក្ខភាពមានការយកចិត្តទុកដាក់ និងពង្រឹងសមត្ថភាពប្រកួតប្រជែងឲ្យកាន់តែខ្លាំងក្លា។
នៅវគ្គ ពាក់កណ្តាលផ្តាច់ព្រ័ត្រ នារាត្រីថ្ងៃទី១២ វិច្ឆិកា ឆ្នាំ២០២០ មុននះ ស្រីស្អាត២០រូបដែលមកប្រជែងគ្នាឃើញថា មានការប្រកួតបានប៉ុន្មានដំណាក់កាល។ដូចជាវគ្គបង្ហាញឈុតសម្លៀកបំពាក់ប្រពៃណីខ្មែរ វគ្គបង្ហាញនូវទេពកោសល្យផ្ទាល់ខ្លួន វគ្គបង្ហាញរូបរាត្រីសមោលស និងវគ្គឈុតហែលទឹក។ ជាលក្ខខណ្ឌ ការប្រកួតចុងក្រោយរើសយកបេក្ខនារី៥រូបប្រឡងខាងបង្ហាញទេពកោសល្យបានល្អ ដែលក្នុង លេខ១ជាប់ទៅរ៉េត សារីតា ធ្វើបានល្អជាងគេខាងសម្តែងក្បាច់គុនល្បុក្កតោ។ក្រៅពីនេះ មានរបាំក្បាច់ស្វា ការច្រៀងភាសាអង់គ្លេស ការរាំក្បាច់រាំពិសេសជាងគេ និងបង្ហាញការសម្តែងបទទុំទាវ។
កញ្ញា រ៉េត សារីតា ដែលពាក់ស្លាលេខ១៨ ហើយមានជំនាញផ្នែកពិធីការិនី បានបង្ហាញអោយដឹងថា កញ្ញា និងខិតខំប្រឹងប្រែងធ្វើអោយបានល្អទៅតាមវិញ្ញាសា ដែលបានដាក់ជូន។ សារីតាដែលចប់បរិញ្ញាបត្រផ្នែកភាសាអង់គ្លេស បានលើកឡើងថា នាងចង់អោយគេមើលឃើញថា នារីកម្ពុជា ក៏មានសមត្ថភាពអាចធ្វើបានទាំងឆាកក្នុងស្រុក និង លើឆាកអន្តរជាតិ។នាងសង្ឃឹមថាស្ត្រីខ្មែរដែលមានសម្រស់ហើយឆ្លាតនិងពូកែ ព្យាយាមយកអោយ អស់ពីកម្លាំងកាយចិត្តដើម្បីបង្ហាញអោយគេដឹងហើយក៏ដូចជាជម្រុញអោយខ្លួនយើងល្បីល្បាញដែរ។
កញ្ញារឿន ណាតម្ចាស់មកុដឆ្នាំ២០១៨បាននិយាយដែរថា ក្នុងនាមអ្នកដាក់ពិន្ទុឃើញថា ឆ្នាំនេះបេក្ខនារីទាំង២០រូបសុទ្ឋតែពូកែហើយ សបញ្ជាក់អោយឃើញថា នារីពេលនេះក្លាហាន ហើយពោរពេញដោយចំណេះវិជ្ជា។សូមព្យាយាមទាំងអស់គ្នា ដើម្បីជាតិយើងនិងដើម្បីខ្លួនឯង និងគ្រួសារ។ទោះលំបាកបែបណា ត្រូវឆ្លងកាត់អោយបានហើយសន្យាថានិងយកឈ្នះ។
