ពិតជាមានការភ្ញាក់ផ្អើល ដែលធ្លាយដំណឹងថាតារាប្រុសរូបសង្ហាប្រមាណជា៣ រូបដែលមានប្រវត្តិ ចូលប្រឡងចម្រៀងលំដាប់ពិភពលោកស្រាប់តែ ត្បុលរួមដៃគ្នាជាសមាជិកក្រុមចម្រៀងតែមួយ។ពួកគេសុទ្ឋតែអាចបំបែកការ ចាប់អារម្មណ៍ដោយសារតែម្នាក់ៗ មានស្ទីលសំឡេងៗមួយស្ទាយៗម្នាក់ និងរូបរាងក៏សង្ហាដូចៗគ្នា។
តាមការអោយដឹង តារាប្រុសទាំង៣កំពុងតែលេចធ្លោនៅក្នុងទីផ្សារចម្រៀងហើយក៏ កំពុងតែត្រូវប៉ាន់បង្ហាញមុខនៅក្នុងកញ្ចក់ទូរទស្សន៍តាមរយៈការប្រគំតន្ត្រីផ្សាយផ្ទាល់នានា។ ជាពិសេសក៏ត្រៀមចេញបទ Original ជាក្រុម នឹងសហការគ្នាក្នុងកាសម្តែង តាមបណ្តាស្ថានីយ៍ ទូរទស្សន៍ នឹង កម្មវិធី ផ្សព្វផ្សាយផលិតផលជាច្រើនផងដែរ។ តារាប្រុសទាំង៣ដួងនោះ រួមមាន លោក នូ សុវណ្ណដាណេ លោកបូ រ៉ាម និងលោក រិន ឆាន្នី ដែលបានអង្រួនវេទិកាប្រឡងចម្រៀង X Factor Cambodia ដូចៗគ្នា។
ហ្វេនៗ ដែលធ្លាប់តាមដាន សុទ្ឋតែរំពឹងថា ពួកគេទាំង៣ និងសហការបានល្អនៅពេលសម្រេចដាក់ឈ្មោះក្រុមថា «Power 3» ។ លើសពីនេះអាចមាន បទថ្មីៗទាំងញាក់ និងមនោសញ្ចេតនា ច្រៀងលើឆាកដើម្បីបម្រើប្រិយមិត្តអ្នកគាំទ្រ។ អ្វីដែលគេចង់បាន ចំណងក្រុមនេះនឹងថិតថេរ យូរអង្វែងតទៅមុខ ដោយមិនមានការខ្វែងគំនិតគ្នាអ្វីនោះទេ។
