តារាចម្រៀងមួយចំនួនដែលគេ ស្គាល់ថាជាតារាលេចធ្លោកំពុងពេញ និយមប្រចាំផលិតកម្មFilm Media បានបង្ហាញស្នាដៃថ្មីតាមរយៈការចេញចម្រៀងជាក្រុម។ការបង្ហាញសមិទ្ឋិផលថ្មីនេះ រុញអោយហ្វេនៗ មើលឃើញថា ហ្វីមមេឌារកាន់តែបោះជំហ៊ានទៅមុខហើយ នៅពេលមានធនធានល្អៗនៅក្នុងដៃបែបនេះ។
តារានៅទីនោះ រួមមាន ជួន អមរិទ្ឋ នូ សុវណ្ណដាណេ រិន ឆាន្នី ឡៅ មូនីវណ្ណ ព្រះ កាយច័ន្ទ ចិន យ៉ាទី កែវ សុផានិត ។ពួកគេជាតារាឆ្អិន និងមានបទពិសោធន៍ នៅក្នុងសិល្បៈយ៉ាងជោគជាំ។ពិសេសបទចម្រៀង មួយបទដែល មានឈ្មោះថា «ក្តីស្រម៉ៃ» ក៏កានតែធ្វើអោយទាក់ទាញមួយដែរ ព្រោះមានការបកស្រាយរួមគ្នា សុទ្ឋតែជាអ្នកមានទឹកដមសំឡេងពិរោះ។បទនេះក៏ភ្ញាក់ផ្អើល ដោយសារអ្នកនិពន្ឋទំនុកច្រៀង ស្រាប់តែលេចមុខលោក យ៉េប រ៉ូហ្វាត ធ្លាប់តែជាអ្នកដឹកនាំតួសម្តែងចម្រៀង បែរជាធ្លាយចេញជា វិជ្ជាគុនតែងនិពន្ឋ អោយគេទាក់ចិត្តតែម្តង។
យ៉ាងណា ក៏ដោយនៅមាន ចម្រៀងច្រើនបទទៀត ដែលខាងផលិតកម្មខាងលើកំពុងតែត្រៀមរៀបចំជាបន្តបន្ទាប់សម្រាប់ឱកាសចុងឆ្នាំនិងដើមឆ្នាំថ្មី។ ហ្វេនៗពិតជាបានប្លែកអារម្មណ៍ជាមួយក្រុមចម្រៀងទាំងនោះ ដោយសារមានការសហការគ្នា បញ្ចូលសិល្ប៍វិធីយ៉ាងណាអោយមានភាពទាក់ទាញក្រោយពេលប្រកាសអុកឡុក។
