ភ្នំពេញ ៖ ជនសង្ស័យម្នាក់ ធ្វើសកម្មភាពលួច យកទូរសព្ទដៃ iphone 11 pro mex ពេលម្ចាស់គេដែលកំពុងតែដេកលង់លក់ នៅកន្លែងលក់ដូរមួយកន្លែង នៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ នាវេលាម៉ោង ៤ទៀបភ្លឺ ត្រូវនឹងថ្ងៃទី៨ ខែធ្នូ ឆ្នាំ២០២១។
ប្រភពពីម្ចាស់ទូរសព្ទដៃ IPhone 11 pro mex បានអោយដឹងថា មុនពេលកើតហេតុ គាត់បានដេកលក់នៅខាងក្នុងកន្លែងលក់ដូររបស់គាត់ ក៏មានជនសង្ស័យម្នាក់ ជិះម៉ូតូស្កុបពីមួយគ្រឿង ដែលពាក់ស្លាកលេខ ភ្នំពេញ 1HJ-9135 បានធ្វើសកម្មភាពលូកដៃយកទូរសព្ទ iPhone 11 Pro mex ដាក់ចូលក្នុងហោបោវខោ ភ្លាមនោះស្រីម្នាក់ក៏បានឃើញជនសង្ស័យនោះលួចយក ក៏បានស្រែកឲ្យម្ចាស់ទូរសព្ទដៃ ងើបតេរកទូរសព្ទ ទើបលឺសំឡេង និងដឹងថានៅក្នុងហោប៉ៅរបស់ជនសង្ស័យ ទើបត្រូវបងប្អូនប្រជាពលរដ្ឋ វាយយ៉ាងចាស់ដៃ ផ្អើលសមត្ថកិច្ចមកដល់ ឆែកឆេរទៅឃើញទូរសព្ទដៃទាំងអស់៣គ្រឿង និងថ្នាំញៀន៣កញ្ចប់តូច តែម្តង។ក្រោយពេលកើតហេតុ សមត្ថកិច្ចបាននាំជនសង្ស័យខាងលើទៅសាកសួរនៅប៉ុស្ដិ៍នគបាលវត្តភ្នំ ដើម្បីកសាងសំណុំរឿងចាត់ការតាមច្បាប់ និងបានឲ្យជនរងគ្រោះទៅដាក់ពាក្យបណ្តឹងផងដែរ ៕
