អ្នកនាង ម៉ា នីតា ដែល បានបោះជំហ៊ាន នៅលើវិស័យសិល្បៈអស់ជាច្រើនឆ្នាំ មកហើយនោះនៅតែ បន្តមាគ៌ាមួយនេះ អោយឆ្ពោះទៅមុខ។ អ្នកនាង ក៍ហែលឆ្លងជាតារាបង្ហាញ ម៉ូដ និងជាតារាសម្តែង។ អ្វីដែលគេមើលឃើញ អ្នកនាងទទួលបាន ការបណ្តុះបណ្តាលលើ ជំនាញតែងនិពន្ឋ និងដឹកនាំរឿង រហូតបានធ្វើការលើផ្នែកនេះបាន ដោយភាពច្បាស់លាស់។ នៅមានភាពប្រែប្រួល ល្អប្រពៃទៀតដែល អ្នកនាង កសាងបង្កើតបាន ដូចជាចែករំលែក ចំណេះជំនាញបង្ហាត់ដើរម៉ូដ នៅក្លិបមួយ និងបង្កើតកម្មវិធីដោយខ្លួនឯង និយាយពីព័ត៌មាន តារានិងសង្គម។
អ្នកនាងម៉ានីតា ជាអតីតគូស្នេហ៍ លោកសន ពិសិដ្ឋ តារាសាច់ដុំ កំពុងមានឈ្មោះលើវិស័យសម្តែង។ ស្នេហាអ្នកទាំង២ បានចែកផ្លូវ ហើយពិសិដ្ឋងាកទៅបង្កាត់ភ្លើងស្នេហាជាមួយ តារាថ្មីSary Sovattey។ អ្នកនាង ម៉ា នីតា កំពុង ដាក់ផែនការយ៉ាងណា អោយមានការវិវត្តន៍ខ្លួនល្អ ទៅមុខទៀតលើ វិថីសិល្បៈដែលតស៊ូយូរមកហើយ។ អ្នកក្នុងចង្កោមសិល្បៈ ជាច្រើន បានលើកសរសើរដល់ អ្នកនាងថា ជាតារាពហុជំនាញ និងមានភាពច្បាស់លាស់លើ ជំនាញមួយៗ។ ពិសេសកម្រឃើញតារាស្រី ណានៅក្នុងប្រទេសកម្ពុជាចេះតែងនិពន្ឋ និងដឹកនាំរឿង។ នេះជាតារាកម្រ និងមានធនធានពិតប្រាកដ ដែលមិនអាចមើលរំលងនោះឡើយ។ អ្នកនាងម៉ា នីតា នៅតែរំពឹងមុតមាំថា ទាំងការងារចាស់ និងការងារ គិតថ្មី ដែលមាននិងកំពុងតែត្រៀមផុសឡើងពិតជា រលូនទៅមុខ ។សូមរម្លឹកថា អ្នកនាងម៉ា នីតា មានប្រភពចេញពី អ្នកបង្ហាញម៉ូដក្រោយពីបានប្រឡងជាប់ អំឡុងឆ្នាំ២០០២។ ពេលនេះ បានក្លាយជាអ្នកនិពន្ឋ និងដឹកនាំរឿង ដោយបានផលិតចេញរួចមកហើយ រឿងខ្លឺៗ ក្រោយបានសិក្សាជំនាញនេះពីសាលាវិចិត្រសិល្បៈ។
