ភ្នំពេញ៖ ភាពស្និទ្ធស្នាលផ្អែមល្ហែមខ្លាំងរវាងតារាចម្រៀងលំដាប់ជួរមុខ ពេជ្រ សោភា ប្រចាំផលិតកម្មហង្សមាស និងលោក ឆឹម សក្កដា តារាចម្រៀងរបស់ផលិតកម្មថោន ធ្វើឲ្យហ្វែនៗ និងមហាជនអ្នកគាំទ្ររំភើបជំនួសដោយទន្ទឹងរងចាំថ្ងៃល្អរបស់អ្នកទាំងពីរមកដល់ ។
បើយោងតាមគណនីហ្វេសប៊ុករបស់តារាចម្រៀងល្បីឈ្មោះហង្សមាស ពេជ្រ សោភា នៅថ្ងៃទី២៨ ខែកក្កដា ឆ្នាំ២០២១នេះបានបង្ហោះសារថា «ដឹងត្រឹមថាតាំងពីរស្គាល់គ្នាមកពេលនេះ បេះដូងមិនដែលភយ័ខ្លាចការក្បត់ បងស្មោះត្រង់ បងថាបងមិនល្អទេតែអូនអាចចាំមើលបាន តែកូវិតធ្វើស៊ីពួកយើង៣ដងហើយ មើលទៅមានតែ »។
បន្ទាប់ពីឃើញនូវសារតារាក្នុងដួងចិត្តរបស់ខ្លួនភ្លាមហ្វែនៗ បាននាំគ្នាចូលស៊ែរខំម៉ិនយ៉ាងព្រោងព្រាត ដោយមានអ្នកខ្លះជូនពរ អ្នកខ្លះបង្ហាញអារម្មណ៍ត្រេកអរជំនួសតារាទាំងពីរ និងអ្នកខ្លះត្រេកអរផងច្រណែនផងថែមទៀត ។ ក្នុងចំណោមហ្វែន និងមហាជនដែលចូលខំម៉ិននោះ គេសង្កេតឃើញគណនីហ្វេសប៊ុកមួយឈ្មោះ Leaksmy Kheng «បងភារកស្នេហ៍ពិតឃើញហើយនៅឡើយអ្នកគាំទ្រមិនដឹងអង្កាល់ទេ ជូនពរមានសុភមង្គលអាយដល» ។
សូមជម្រាបថា កាលពីខែវិច្ឆិកា ឆ្នាំ២០២០ កន្លងទៅ លោក ឆឹម សក្កដា ក៏បានបង្ហើបរឿងរៀបការជាមួយតារាចម្រៀង ពេជ្រ សោភា ដោយលោកបានបង្ហើបពីគម្រោងចូលរោងការ នៅឆ្នាំ២០២២ ខាងមុខប៉ុន្តែពាក់ព័ន្ធនឹងថ្ងៃខែជាក់លាក់លោកមិនបានប្រឲ្យច្បាស់នោះឡើយ ៕
