បាត់ដំបង ៖ មានករណីឆ្លងចរន្តអគ្គិសនីឆក់ខ្សែភ្លើងស្លាប់ម្នាក់ ស្ថិតត្រង់ចំណុចភូមិព្រៃព្រាល ឃុំព្រៃស្វាយ ស្រុកមោងប្ញស្សី ខេត្តបាត់ដំបង កាលពីថ្ងៃទី៣០ ខែឧសភា ឆ្នាំ២០២១ វេលាម៉ោង១១ និង៣០នាទី ។
បើតាមមន្រ្តីនគរបាលស្រុកមោងប្ញស្សី បាឲ្យដឹងថា ជនរងគ្រោះឈ្មោះ លឿម ពិសិទ្ធ ភេទប្រុស អាយុ ៣៨ឆ្នាំ រស់នៅភូមិឃុំកើតហេតុខាងលើ បានចេញទៅតខ្សែតែមិនបានបិទគុបភ្លើងទើបបណ្តាលអោយឆ្លងខ្សែភ្លើងស្លាប់តែម្តង ។
បន្ទាប់ពីទទួលបានព័ត៌មាន កម្លាំងផ្នែកជំនាញសហការជាមួយលោកគ្រូពេទ្យមណ្ឌលសុខភាពឃុំ បានចុះត្រួតពិនិត្យនិងវិភាគទីកន្លែងកើតហេតុលើជនគ្រោះឈ្មោះ លឿម ពិសិទ្ធ ពិតជាឆ្លងចរន្តអគ្គីសនីស្លាប់ពិតប្រាកដមែន ។
បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
