ខេត្តកណ្តាល ៖ នៅថ្ងៃទី២៣ ខែមីនា ឆ្នាំ២០២១ វេលាម៉ោង១៤ និង ៣០នាទី កម្លាំងអធិការដ្ឋាននគរបាលស្រុកកណ្តាលស្ទឹង បានឃាត់ខ្លួនជនសង្ស័យចំនួន ០៤នាក់ ករណីជួញដូរ និង ប្រើប្រាស់ដោយខុសច្បាប់នូវសារធាតុញៀន (ម៉ាទឹកកក) ស្ថិតនៅត្រង់ចំណុចភូមិសៀមរាប ឃុំ សៀមរាប ស្រុកកណ្តាលស្ទឹង ខេត្តកណ្តាល ។
មន្រ្តីនគរបាលស្រុកកណ្តាលស្ទឹង បានឲ្យដឹងថា ៖ ជនសង្ស័យចំនួន ០៤នាក់ ១-ឈ្មោះ រ៉ា សុផាត ភេទប្រុស អាយុ ៣០ឆ្នាំ ជនជាតិខ្មែរ មុខរបរមិនពិតប្រាកដ មាន ទីលំនៅ ភូមិក្បាលសេះ ឃុំសៀមរាប ស្រុក កណ្ដាល ស្ទឹង ខេត្តកណ្តាល ។ ២-ឈ្មោះ ឡោ លីម ភេទប្រុស អាយុ ៣៦ឆ្នាំ មុខរបរ មិនពិតប្រាកដ មានទីលំនៅភូមិចំបក់ ឃុំសៀមរាប ស្រុកកណ្តាលស្ទឹង ខេត្តកណ្តាល ។ ៣-ឈ្មោះ គង់ ស្រីថង ភេទស្រី អាយុ ២១ឆ្នាំ មុខរបរ មិនពិតប្រាកដ មានទីលំនៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល ។ ៤-ឈ្មោះ សុខ ស្រីនិច ភេទស្រី អាយុ ២១ឆ្នាំ មានទីលំនៅភូមិឪភាសាង ឃុំកណ្តឹង ស្រុកបាទី ខេត្តតាកែវ ។
ចំណែកឯវត្ថុតាងដកហូតរួមមាន ៖
-ម្សៅក្រាមសថ្លា សង្ស័យសារធាតុញៀន (ម៉ាទឹកកក) ចំនួន ០៧កញ្ចប់តូច
-ទូរស័ព្ទដៃចំនួន ០៣គ្រឿង
-ម៉ាក oppo ACS ពណ៍ក្រហម ចំនួន០២
-ម៉ាក អិនចុចពិល ចំនួន ០១ ។
បច្ចុប្បន្នជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុកកណ្តាលស្ទឹង ដើម្បីសាកសួរបន្ត និងកសាងសំណុំរឿងចាត់ការតាមនីតិវិធីច្បាប់ ៕
