ខេត្តបាត់ដំបង ៖ កម្លាំងអធិការដ្ឋាននគរបាលស្រុកសង្កែ បានបង្ក្រាបករណីរក្សាទុក ចែកចាយ ជួញដូរដោយខុសច្បាប់នូវសារធាតុញៀន ០១លើក នៅថ្ងៃទី២៣ ខែមីនា ឆ្នាំ២០២១ វេលាម៉ោង១៧ និង៣០នាទី ឃាត់ខ្លួនជនសង្ស័យចំនួន ០២នាក់ ស្ថិតនៅត្រង់ចំនុចភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។
លោកវរសេនីយ៍ឯក ស៊ុន សុវណ្ណ អធិការនគរបាលស្រុកសង្កែ បានអោយដឹងថា ៖ កំលាំងជំនាញ ប្រឆាំងគ្រឿងញៀននៃអធិការដ្ឋាននគរបាលស្រុកសង្កែ បានចុះបង្ក្រាបឃាត់ខ្លួនអ្នកចែកចាយគ្រៀងញៀនចំនួន ០២នាក់ ១-ឈ្មោះ ឌឿ សារី ភេទប្រុស អាយុ២៦ឆ្នាំ រស់ភូមិបោះពោធិ៍ ឃុំអូរដំបង១ ស្រុកសង្កែ ។ ២-ឈ្មោះ រឿត សីហា ភេទប្រុស អាយុ២៨ឆ្នាំ រស់ភូមិបោះពោធិ៍ ឃុំអូរដំបង១ ស្រុកសង្កែ ។
ចំណែកឯវត្ថុតាងដកហូតរួមមាន ៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០៧កូនថង់ ទម្ងន់២,៧៩ក្រាម និងទូរស័ព្ទសេរីចាស់ ០១គ្រឿង ។
បច្ចុប្បន្នជនសង្ស័យទាំងពីរនាក់ រួមនឹងវត្ថុតាង ត្រូវបានសមត្ថកិច្ចកំពុងកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់ ៕
