តារាបង្ហាញម៉ូដ និងជាតារាសម្តែងទើប តែឡើងកូដ ខន សុគន្ឋារី ហៅហានី កាន់តែបាញ់ឆ្ពោះទៅលើភាពទាក់ទាញ ខ្លាំងឡើងៗ ក្រោយពេលនាងលេចមុខ ក្នុងការសម្តែងរឿង«ដែកថែប IRON»។ តារាស្រីរូបនេះ ក៏បានគេ អញ្ជើញ អោយចូលរួម ជាតារាសម្តែងលេចធ្លោ ក្នុងចម្រៀងថ្មី ច្រៀងដោយតារាប្រុស៣ ដួង មានចំណងជើងថា « You are my angal អូនជាទេពអប្សររបស់បង»៕
ចម្រៀងមួយបទនេះ កញ្ញារាងស្វីម មុខដូចកូនកាត់ ហានី លើកឡើងថា ជាចម្រៀង កំពុងតែទទួលបានការគាំទ្រ ខ្លាំងនៅដើមឆ្នាំ២០២១នេះ។ ស្រីស្អាតរូបនេះលើកឡើងថា ចម្រៀង ខាងលើនេះ ច្រៀង ដោយតារាប្រុស៣ ដួងមាន លោក Satiya លោក SindaGhost និងលោកDarun Ouy ជាតារាចម្រៀងKhmer original song។ បទនេះ យុវវ័យ នៅលើបណ្តាញសង្គម និងយូធូប មានការគាំទ្រខ្ពស់ ហើយនេះជាក្តីរំពឹង មុតមាំថា ពិតជាបន្តការពេញនិយមកាន់តែខ្លាំងឡើង តទៅមុខទៀត។
ហានី កំពុងមមាញឹក ជាមួយការងារសិល្បៈជារៀងរាល់ថ្ងៃ ហើយនាងក៏ កំពុង ទទួលបានការចាប់អារម្មណ៍ ពីបណ្តាផលិតករ មួយចំនួន ដែលយល់ថានាងក្លាយជា តារាជើងថ្មីក្នុងវិស័យសម្តែង។ តោះចូលរួមទស្សនា ការសម្តែង ក្នុងបទចម្រៀងមួយនេះ ដូចតទៅ៖
