ស្វាយរៀង៖ យុវជនម្នាក់បានសម្រេចចិត្តចងកបញ្ចប់ជីវិតរបស់ខ្លួននៅក្នុងផ្ទះ បង្កការភ្ញាក់ផ្អើលទាំងព្រឹកថ្ងៃទី០២ ខែមីនា ឆ្នាំ២០២១នេះ ស្ថិតនៅក្នុងភូមិចំបក់ សង្កាត់ចេក ក្រុងស្វាយរៀង ខេត្តស្វាយរៀង ។
បើតាមមន្ត្រីនគរបាលបានឲ្យដឹងថា បុរសខាងលើមានឈ្មោះ បេ រតនា អាយុ២៣ឆ្នាំ មុខរបរមិនពិតប្រាកដ រស់នៅភូមិ ឃុំ កើតហេតុខាងលើ ។ ចំណែកម្តាយរបស់បុរសនេះ បានបញ្ជាក់ថា កូនប្រុសរបស់គាត់មានជំងឺសរសៃប្រសាទយូរឆ្នាំមកហើយ ហើយធ្លាប់យកទៅព្យាបាលនៅមន្ទីរពេទ្យ និងផឹកថ្នាំជាប្រចាំ ប៉ុន្តែមិនបានធូរស្រាលសោះឡើយ ។
ក្រោយពីកើតហេតុ សមត្ថកិច្ចមូលដ្ឋាន និងនគរបាលជំនាញក្រុង ព្រមទាំងគ្រូពេទ្យ បានចុះមកកន្លែងកើតហេតុពិនិត្យសព ដោយសន្និដ្ឋានថា ជនរងគ្រោះពិតជាស្លាប់ដោយសារចងក ប្រាកដមែន ទើបប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
