ខេត្តកំពង់ចាម ៖ បន្ទាប់ពីទទួលបានព័ត៌មានពីប្រជាពលរដ្ឋភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម ដោយបានការអនុញ្ញាតិពី លោក ហាក់ ហ៊ាន់ ព្រះរាជអាជ្ញារងអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្ត និង ជំនាញអធិការដ្ឋាននគរបាលស្រុកស្រីសន្ធរ ជាមួយកម្លាំងប៉ុស្តិ៍នគរបាលរដ្ឋបាលស្វាយពោធិ៍ ដឹកនាំដោយលោកឧត្តម សេនីយ៍ ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀនខេត្ត នៅថ្ងៃទី២៨ ខែកុម្ភៈ ឆ្នាំ២០២១ បានបើកកិច្ចប្រតិបត្តិការ បង្ក្រាប ករណីជួញដូរនិងប្រើប្រាស់ដោយខុសច្បាប់នូវសារធាតុញៀន ចំនួន០១ករណី ដោយប្រើវិធានញុះញង់ ឃាត់ខ្លួនជនសង្ស័យចំនួន ០៤នាក់៖
១-ឈ្មោះ ស៊ុក រក្សា ភេទប្រុស អាយុ១៨ឆ្នាំ មុខរបរកសិករ នៅភូមិស្វាយ ឃុំស្វាយពោធិ៍ ស្រុកស្រីសន្ធរ ខេត្តកំពង់ចាម។
២-ឈ្មោះ ថ្លាង សាអែម ភេទប្រុស អាយុ២៧ឆ្នាំ មុខរបរជួសជុលម៉ូតូ នៅភូមិស្វាយ ឃុំស្វាយពោធិ៍ ស្រុកស្រីសន្ធរ ខេត្តកំពង់ចាម។
៣-ឈ្មោះ សាត ផានុត ភេទប្រុស អាយុ២៣ឆ្នាំ មុខរបរកម្មករសំណង់ នៅភូមិស្វាយ ឃុំស្វាយពោធិ៍ ស្រុកស្រីសន្ធរ ខេត្តកំពង់ចាម។
៤-ឈ្មោះ ស្រឿន រ៉ប៊ិន ភេទប្រុស អាយុ១៧ឆ្នាំ មុខរបរ មិនពិតប្រាកដ នៅភូមិ មាន់ដប់លើ ឃុំមានជ័យ ស្រុកស្រីសន្ធរ ខេត្តកំពង់ចាម។
សមត្ថកិច្ចដកហូតវត្ថុតាងរួមមាន ម្សៅ ក្រាមពណ៌ស សង្ស័យជាថ្នាំញៀន ចំនួន០៤កញ្ចប់ ទូរសព្ទ័ដៃចំនួន០៥គ្រឿង៕
