ភ្នំពេញ៖ Hyundai បើកទំព័រឆ្នាំថ្មី ២០២១ ជាមួយនឹងវត្តមានរថយន្តSUV ម៉ូដែលថ្មី Venue នៅចុងខែមករាខាងមុខនេះ ជាមួយនឹងរូបរាងកាន់តែទាន់សម័យ ទាក់ទាញ និងមានស្តង់ដារខ្ពស់មួយកម្រិតទៀត ដែលជាកូនពៅក្នុងគ្រួសារSUV របស់ហ៊ីយ៉ាន់ដាយ។
ក្នុងសន្និសីទ កាសែតមុនប្រកាសលក់ជាផ្លូវការនូវរថយន្តម៉ូដែលថ្មីនេះ លោក Brian Ko នាយកប្រតិបត្តិក្រុមហ៊ុន Hyundai Camko Motor បានឲ្យដឹងថា រថយន្ត ម៉ូដែល Venue ដែល ជា រថយន្ត SUV នេះ មាន រូបរាង ទាន់ សម័យ ហើយមានភាពទាក់ទាញ ជាមួយនឹង ការកំណត់ស្តង់ដារខ្ពស់។ Venue គឺជានិយមន័យថ្មីរបស់ពាក្យថាTrue Lifestyle គឺចង់សំដៅទៅលើភាពងាយស្រួល ដែលជារឿងមួយ មានលក្ខណះពិសេស និងសុវត្ថិភាព ហើយវាជាចំណុចចម្បងដែល Venue នឹងផ្ដល់ជូន។
រថយន្ត ម៉ូដែលថ្មីនេះ នឹង បង្ហាញ វត្តមាន នៅថ្ងៃទី ២៧ ខែមករាខាងមុខនេះ តាម រយៈ កម្មវិធី ប្រកាស ចេញ បែប ឌីជីថល ដែល មាន ន័យ ថា ការ ប្រកាស ចេញ រថយន្ត នេះ នឹង ធ្វើ ឡើង តាម រយៈ អេក្រង់ ឧបករណ៍ វៃ ឆ្លាត ដូច ជា ស្មាតហ្វូន Tablet ឬ ទូរទស្សន៍ វៃ ឆ្លាត ផង ដែរ។
លោកថា កម្មវិធីនៅថ្ងៃនេះ គឺជាការដាក់ បង្ហាញមុនផ្លូវការរបស់វត្តមានHyundai Venue ដែលនឹងត្រូវប្រកាសជាផ្លូវការនៅថ្ងៃទី ២៧ ខែមករាខាងមុខនេះ ក្នុងនោះក្រុមហ៊ុន បានផ្តល់ឲ្យមាន ការ ចូល រួម ពី អ្នក សារព័ត៌មាន មក ពី ប៉ុស្តិ៍ ទូរទស្សន៍ វិទ្យុ និង សារព័ត៌មាន អនឡាញ ជា ច្រើន មានឧកាសសួរនូវសំនួរដល់ថ្នាក់ដឹកនាំរបស់Hyundai ព្រមជាមួយនឹងការសាក ល្បង បើកបរ រថយន្ត Venue មុនគេ នៅ បុរី ប៉េង ហួត ក៏ដូចជាការថតរូបកម្សាន្តផងដែរ ដើម្បីទទួលបាននូវអារម្មណ៍ពិសេស សុវត្ថិភាព និងភាពងាយស្រួលដែលមាននៅក្នុង Hyundai Venue។
ក្នុងពិធីនោះ លោក Brain Ko លើកឡើងផងដែរថា គោលបំណងរបស់ Hyundai គឺផ្សារភ្ជាប់ទំនាក់ទំនងរបស់មនុស្ស ដោយអោយពេលវេលារបស់អតិថិជនហ៊ីយ៉ាន់ដាយ កាន់តែមានតម្លៃជាមួយនឹង ការរស់នៅប្រចាំថ្ងៃ របស់មនុស្សជំនាន់ថ្មី ជាមួយនឹងរថយន្ត ១២កៅអី សម្រាប់គ្រួសារ ឬអាជីវកម្ម និងរថយន្ត SUVជាច្រើនម៉ូដែលទៀត សម្រាប់បំពេញ តម្រូវការរបស់ អតិថិជន។ លើសពីនេះ Hyundai ក៏មានមជ្ឈមណ្ឌលសេវាកម្មសាខាព្រះមុនីវង្ស និងសែនសុខសម្រាប់ថែទាំរថយន្ត របស់ លោកអ្នក ផងដែរ។ គឺយើងប្តេជ្ញាផ្តល់ជូននូវសេវាកម្មល្ បំផុតដែលបង្ហាញ អត្ថន័យពិតអំពី LIFESTYLE។
គួរបញ្ជាក់ដែរថា Hyundai ត្រូវបានបង្កើតឡើងនៅឆ្នាំ ២០០៩ បានផ្តល់សេវាកម្មដែលមានគុណភាពខ្ពស់ជូនអតិថិជន។ Hyundai Camko motor company ជាក្រុមហ៊ុនចែកចាយHyundai ផ្តាច់មុខតែមួយគត់ នៅក្នុង ប្រទេស កម្ពុជា។ Hyundai ជាក្រុមហ៊ុនដែល ផ្តល់សេវាកម្មល្អ និងតែងតែយកចិត្តទុកដាក់ខ្ពស់ដល់អតិថិជន។ Hyundai ជាក្រុមហ៊ុននាំមុខគេមួយក្នុងចំណោមក្រុមហ៊ុនកំពូលទាំង ៤ នៅក្នុងឧស្សាហកម្ម រថយន្ត អស់រយៈពេល ១១ ឆ្នាំកន្លងមកនេះ៕
