បើទោះជាអ្នកនាងស៊ូ សោភា កាន់តែពង្រីកស្នាដៃការងារ យ៉ាងខ្លាំង ហើយអាជីវកម្មបន្លែផ្លែឈើធម្មជាតិវិញ ក៏ឃើញថា មានសន្ទុៈប្រសើរ ដោយអតិថិជនជឿជាក់ខ្លាំង។ យ៉ាងណាមិញភាពលូតលាស់បាន ក៏កើតចេញពី កត្តាគ្រួសារជាចម្បង ដែលចេះយល់ចិត្តហើយរុញច្រាន អោយមានកម្លាំង ដើរទៅមុខប្រកបដោយ ភាពលូតលាស់បន្ត។
ថៅកែផលិតផល ផ្តោតលើធម្មជាតិ អ្នកនាង ស៊ូ សោភា ឃើញថា បានចូលរួមជាច្រើន ការលើកកម្ពស់ កសិផលខ្មែរ ពលរដ្ឋខាងចម្ការ ដំណាំក៏ ទទួលបានឱកាសទីផ្សារ តាមរយៈអ្នកនាងជាវនឹងផ្តល់ទីផ្សារ។នេះជាការជម្រុញ ផ្នែកការងារក្នុងស្រុក។ ជាការមើលឃើញ ភាពអណ្តែតឡើង របស់អ្នកជំនួញ ដែលរកសុីច្រើនទម្រង់ ត្រូវការបំផុតគឺជីវិត យល់ចិត្តរបស់សាច់ញាតិ អាចជាប្តីប្រពន្ឋ។ ពេលហត់នឿយហើយ ជួបបញ្ហាអ្វីបើបានពាក្យលើកទឹកចិត្តនោះពិតជា មហាកក់ក្តៅមានកម្លាំង។ ម្ល៉ោះហើយ អ្នកនាងសោភាក៏ ត្រូវបានគេមើលឃើញថា មានការផ្តល់ការអោយតម្លៃពីឧត្តមស្វាមីជាចម្បង។ទើបជម្រុញអោយ អ្នកនាងអាចបោះជំហានលើ អាជីវកម្មបានយ៉ាងត្រដែតត្រដឹមយ៉ាងលឿនបំផុត ធ្វើអោយគេភ្ញាក់ផ្អើល។
គួរបញ្ជាក់ថា ជាង១ឆ្នាំហើយដែល អ្នកនាងស៊ូ សោភា ក្លាយជាអ្នកជំនួញវ័យក្មេង ដោយសារតែអ្នកនាង តស៊ូពុះពាេបើកអាជីវកម្មប្រមាណត្រឹម៥០មុឺនរៀល តែប៉ុណ្ណោះ។ ភាពឆ្លាតវៃធ្វើអោយ អ្នកនាងអាចប្រែមុខមាតកាក់កប របររកសុី។ អ្នកនាងពេលនេះមានឃ្លាំងផ្ទុកផលិតផលធម្មជាតិស្ទើរគ្រប់មុខ។ មានបន្លែ ផ្លែឈើ ផ្អក ប្រហុក គ្រឿងផ្អាប់ខ្មែរ ត្រីសាច់ និងផលិតផលខ្មែរក៏ មានរក្សាទុកនៅផ្សារធម្មជាតិ ២៤ របស់អ្នកនាងដែរ។
