ព្រឹកថ្ងៃចុងសប្តាហ៍នាថ្ងៃសៅរ៍ទី16ខែមករាឆ្នាំ2021នេះ លោកហ៊ួ ហេមវិចិត្រ តំណាងសមាគមវិមានរចនា បានប្រគល់អំណោយរបស់សមាគមជូនក្រុមគ្រួសារប្អូនស្រី លាភ អាយុ28ឆ្នាំ រស់នៅភូមិបូរីកម្មករ ឃុំបែកចាន ស្រុកអង្គស្នួល ខេត្តកណ្តាល ដែលមានស្វាមីធ្វើការឆ្ងាយផ្ទះនៅឯខេត្តស្វាយរៀង ។ ប្អូនស្រីមានកូនពីរនាក់ ប្រុសមួយស្រីមួយ ដោយកូនប្រុសពៅទើបកើតមានអាយុ6ខែ តែឈឺរហូតដោយសារខ្វះទឹកដោះនិងអាហារូបត្ថម្ភ ។ដោយកត្តាជីវភាពខ្វះខាតប្អូនស្រីដាច់ចិត្តខលមកសមាគមវិមានរចនាដើម្បីអោយជួយសង្គ្រោះប្អូននិងកូនប្រុសតូចរបស់គាត់ផង ដោយសុំជាម្ស៉ៅទឹកដោះគោសំរាប់កូនគាត់អាចឆុងបៅបាន ។ កាលដែលប្អូនស្រីស្គាល់លេខខាងសមាគមគឺដោយសារគាត់បានស្តាប់លឺតាមការផ្សាយរបស់វិទ្យុ103រាជធានីភ្នំពេញ ដែលតែងប្រកាសជួយជនរងគ្រោះនិងជនទីទាល់ក្រជាហូរហែកន្លងមក ជាពិសេសសមាគមក៏បានចូលរួមជួយសង្គមជាតិក៏ដូចប្រមុខរាជរដ្ឋាភិបាលកម្ពុជាកន្លងមក ក្នុងការទិញវ៉ាក់សាំងកូវីឌ19និងចូលរួមឧបត្ថម្ភកាកបាទក្រហមកម្ពុជាជាដើម។អំណោយដែលប្រគល់ជូននៅព្រឹកនេះមាន ម្ស៉ៅ ទឹកដោះគោ Dumex Dupro លេខ 1កំប៉ុងធំ ចំនួន1កេស
អង្ករ50គីឡូ ត្រីខ10កំប៉ុង មី1កេស សារុង 3 ក្រមារ3 សាប៊ូក្រអូប3ដុំ និងថវិកា 40ម៉ឺនរៀល។ តាងនាមសមាគមវិមានរចនាលោកវិចិត្របានផ្តែផ្តាំសូមអោយប្អូនស្រី មើលថែទាំកូនអោយល្អ ពេលកូនៗឈឺ សូមឆាប់បញ្ជូនកូនទៅកាន់មណ្ឌលសុខភាពឬមន្ទីរពេទ្យដែលស្ថិតនៅក្បែរលំនៅដ្ឋាន ដើម្បីទទួលបានការព្យាបាលពីក្រុមគ្រូពេទ្យ ហើយជាពិសេសសូមរក្សាអនាម័យនិងរស់នៅស្អាត។បន្ទាប់ពីបានទទួលអំណោយហើយ ប្អូនស្រីសូមលើកដៃថ្លែងអំណរគុណដល់ក្រុមហ៊ុនវិមានរចនាដែលជួយសម្រួលបន្ទុកការលំបាករបស់គ្រួសារប្អូនស្រីនិងសូមជូនពរអោយក្រុមហ៊ុនវិមានរចនាដែលមានចៅម៉ែជាប្រមុខដឹកនាំ សូមអោយជោគជ័យរីកចំរើន និងមាន អតិថិជន ច្រើនៗគាំទ្រផលិតផលប្រ៊ែនវិមានរចនាតរៀងរហូតទៅ ៕
