ភ្នំពេញ៖ តារាចម្រៀង លោក ផល ភក្ត្រា ដែលធ្លាប់ជាអតីតបេក្ខភាពប្រឡងក្នុងកម្មសុបិន្តក្លាយជាការពិត ក្នុងស្ថានីយ៍ទូរទស្សន៍ SEATV កាលពីពេលកន្លងមកដែលលោកឈានដល់វគ្គជម្រុះផ្តាច់ព្រ័តដោយលោកមិនបានទទួលពានរង្វាន់នោះទេដោយសារមានភាពខ្វះខាត់បន្តិចបន្តួចប៉ុន្តែដោយសារការស្រលាញ់សិល្បៈខ្លាំងរារារូបនេះមិនព្រមបោះបង់ចោលក្តីសុបិនរបស់ខ្លួននោះឡើយ ។
រហូតដល់ពេលបច្ចប្បន្ននេះតារាចម្រៀង លោក ផល ភក្ត្រា លោកបានក្លាយជាតារាប្រចាំក្រុម E music និង E Media ផងដែរ មិនតែប៉ុណ្ណោះដោយសារការស្រលាញ់អាជីបនេះខ្លាំងតារាចម្រៀងរូបនេះបានអភិវឌ្ឍន៍ខ្លួនជាបន្តបន្ទាប់ដោយក្រៅពីតារាចម្រៀងនោះលោកក៏ជាអ្នកសម្តែង និងជាពិធីករ រួមនឹងជំនាញសិល្បៈមួយចំនួនទៀតដែលអាចនិយាយបានថាជាតារាពហុជំនាញ ។
តារាចម្រៀង លោក ផល ភក្ត្រា បានជម្រាបឲ្យដឹងថា ពេលនេះលោកបានចេញ Cover បទចម្រៀងថ្មីជាច្រើនដែលធ្វើឲ្យផ្ទុះការចាប់អារម្មណ៍ខាំងក្នុងស្រទាប់យុវវ័យនៅក្នុងបណ្តាញសង្គមហ្វេសប៊ុក(facebook) និងយូធូប(youtube)ក្នុងនោះមានបទ «កុំភ្លេចបងណា» និងបទ «បងគិតដល់អូន» ។ មិនតែប៉ុណ្ណយុវវ័យអ្នកលេងបណ្តាញសង្គមតិកតុក (tiktok) មួយចំនួនក៏បានយកបទចម្រៀងទាំងនោះទៅលេងផងដែរ ។
តារាចម្រៀងរូបនេះបានលួចបង្ហើបឲ្យដឹងនូវរឿងអាថ៌ផ្ទាល់ខ្លួនក្នុងគ្រួសារថា បើទោះបីយ៉ាងណាក្តីការងារសិល្បៈសព្វថ្ងៃនេះក្រុមគ្រួសារមិនសូវពេញចិត្តឲ្យធ្វើប៉ុន្មនោះទេ ដោយសារស្រលាញ់សិល្បៈពេករហូតមានពេលខ្លះលោកត្រូវលួចទៅច្រៀងដោយមិនឲ្យប៉ាម៉ាក់ដឹងថែមទៀតផង ៕
