បុរសម្នាក់បានស្លាប់និងម្នាក់ទៀតរងរបួសធ្ងន់

ដោយគ្រោះថ្នាក់ចរាចរណ៍ត្រូវរថយន្តបុកប៉ះនិងម៉ូតូ ក្រោយមករត់គេចខ្លួនបាត់ នៅស្រុកព្រៃនប់.!
ខេត្តព្រះសីហនុ-យោងតាមរបាយការណ៍របស់សមត្ថកិច្ចបានប្រាប់ថា នៅវេលាម៉ោង៩និ៣០នាទីយប់ ថ្ងៃទី២២ ខែវិច្ឆិកាឆ្នាំ២០២០ មានគ្រោះថ្នាក់ចរាចរណ៍កើតឡើង លើផ្លូវជាតិលេខ៤ ស្ថិតនៅភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ ចន្លោះបង្គោលគីឡូម៉ែត្រលេខ ១៩០-១៩១ រវាងម៉ូតូ០១គ្រឿងម៉ាកHonda bream ពណ៏ខ្មៅ ពាក់ស្លាកលេខ ព្រះសីហនុ ១E -៣១៩១ មកដល់ចំណុចខាងលើបានរេចង្កូតមកខាងឆ្វេងដៃប៉ះជាមួយរថយន្ត០១គ្រឿង មិនទាន់ស្គាល់ម៉ាកនិងអត្តសញ្ញាណ បណ្តាលឲ្យអ្នកជិះម៉ូតូម្នាក់ស្លាប់ នៅនឹងកន្លែងកើតហេតុ និងម្នាក់ទៀតរងរបួសធ្ងន់ ចំណែកភាគីខាងរថយន្តបានបើករត់គេចបាត់ស្រមោល។ បើតាមសមត្ថកិច្ចបញ្ជាក់ថា ភ្លាមៗ ជនរងគ្រោះទាំង 2នាក់នៅពុំទាន់ស្គាល់អត្ដសញ្ញាណឡើយ បច្ចុប្បន្ន សមត្ថកិច្ចកំពុងស្វែងរកគ្រួសារជនរងគ្រោះ ក្នុងនោះអ្នករងរបួសយកទៅសង្គ្រោះនៅគ្លីនិកឯកជន នៅឃុំអូរឧកញ៉ាហេង និងបន្តស្រាវជ្រាវដោះស្រាយតាមនិតិវិធី៕