ភ្នំពេញ ៖ បុរសជនជាតិចិនម្នាក់បេីករថយន្តធុនត្រា បំពានភ្លេីងស្ទុប ក៏ត្រូវបុរសម្នាក់ជាជនជាតិខ្មែរបេីករុឺម៉កPassAppបុកពីចហៀងបណ្ដាលឲ្យរងការខូចខាត បង្កការភ្ញាក់ផ្អេីលដល់ប្រជាពលរដ្ឋ កាលពីវេលាម៉ោង១២រំលងអាធ្រាត្រ ឈានចូលថ្ងៃទី ២៣ ខែវិច្ឆិកា ឆ្នាំ ២០២០ នៅតាមបណ្ដោយផ្លូវ១០៥ កែងផ្លូវម៉ៅសេទុង ក្នុងសង្កាត់បឹងត្របែក ខណ្ឌចំការមន ។
យោងតាមសម្ដីបុរសម្នាក់ដែលជាម្ចាស់រុឺម៉កPassApp ពណ៌ស ពាក់ស្លាកលេខ ព្រៃវែង 1.O-0702 ដែលជាជនរងគ្រោះបានប្រាប់ឲ្យដឹងថា មុនពេលកេីតហេតុរូបគាត់បានធ្វេីដំណេីរតាមបណ្ដោយផ្លូវម៉ៅសេទុង ទិសដៅពីលិចមកកេីតក្នុងល្បឿនលឿនល្មម ខណៈមកដល់ចំណុចកេីតហេតុក៏បានបេីកឆ្លងស្ទុបអថិភាពរបស់ខ្លួន តែមិនទាន់និងឆ្លងផងស្រាប់តែមានរថយន្តម៉ាក Toyota Tundra ពណ៌ស្ក ពាក់ស្លាកលេខភ្នំពេញ 2AI-7848 ដែលបេីកបរដោយបុរសម្នាក់ជាជនជាតិចិន បានធ្វេីដំណេីរតាមបណ្ដោយផ្លូវ១០៥ ទិសដៅពីជេីងមកត្បូងក្នុងល្បឿនលឿន និងបានបំពានភ្លេីងស្ទុបកាត់ពីមុខរុឺម៉កPassApp របស់បុរសខាងលេី ធ្វេីឲ្យម្ចាស់រុឺម៉កPassAppចាប់ហ្វាំងមិនទាន់បុកពីចហៀងពេញទំហឹង បណ្ដាលឲ្យរងការខូចខាតទាំងសងខាង តែគ្មានអ្នករបួសធ្ងន់ធ្ងរនោះឡេីយ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ភ្លាមៗ ហេីយភាគីខាងរថយន្តធុនត្រាមិនបានបេីកគេចទៅណានោះដែរ ដោយបានទាក់ទងឲ្យដំណាងរបស់ខ្លួនចេះភាសាចិនមកសម្របសម្រួលជាមួយភាគីម្ចាស់រុឺម៉កPassApp ហេីយភាគីទាំងពីរចរចាគ្នាមួយសន្ទុះធំ ទេីបត្រូវរូវគ្នា ដោយភាគីរថយន្តធុនត្រា ព្រមសងថ្លៃខូចខាតទៅលេីភាគីរុឺម៉កPassAppចំនួន350$ ដេីម្បីបញ្ចប់រឿងនៅនិងកន្លែងតែម្ដង ៕
