កំពង់ឆ្នាំង៖ រសៀលថ្ងៃពុធ ៣រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី០៨ ខែកក្កដា ឆ្នាំ២០២០ នៅទីលានបាល់ទាត់វិទ្យាល័យ ហ៊ុន សែន កំពង់ត្រឡាច ស្ថិតនៅស្រុកកំពង់ត្រឡាច ខេត្តកំពង់ឆ្នាំង បានរៀបចំកម្មវិធីប្រកួតបាល់ទាត់ជ្រើសរើសជើងឯក ពាន់រង្វាន់ សម្តេច ហ៊ុន សែន ឆ្នាំ២០២០ ក្រោមអធិបតីភាពលោក ហេង ពិទូ ប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំង។ ដោយមានការចូលរួមពីលោក សាន់ យូ សមាជិកអចិន្ត្រៃយ៍ ស.ស.យ.ក.ខេត្ត មន្ទីរអប់រំ យុវជន និងកីឡាខេត្ត សមាជិក សមាជិកា ស.ស.យ.ក.ខេត្ត និងស្រុក រួមជាមួយសហការី ក្រុមការងារ រៀបចំការប្រកួតជាច្រើនទៀតផងដែរ។
គូសបញ្ជាក់ផងដែរថា នេះជាលើកទី២ហើយ ដែលក្រុមយុវជនខេត្តកំពង់ឆ្នាំង ប្រកួតជាមួយ ក្រុមយុវជនខេត្តកែប ក្នុងនោះសម្រាប់ខេត្តកំពង់ឆ្នាំង សហភាពសហព័ន្ធយុវជនកម្ពុជា សហការជាមួយក្រុមបន្ទាយលង្វែកស្ពតផ្លិច និងកាហ្វេអារ៉ែង ក្នុងនោះដោយមានការគាំទ្រពីលោក ប៊ុន យី សមាជិកអចិន្ត្រៃ ស.ស.យ.ក.ខេត្តកំពង់ឆ្នាំង រួមជាមួយសមាជិក សមាជិកា បានឧបត្ថម្ភ ជាភេជ្ជៈ ទឹកសុទ្ធ អាហារពេលល្ងាច និងថវិកាមួយចំនួនផងដែរ។
សូមជម្រាបជូនផងដែរថាៈ ក្រុមដែលបានទទួលជ័យជំនះក្នុងការប្រកួតជ្រើសរើសជើងឯក ពាន់រង្វាន់ សម្តេច ហ៊ុន សែន ឆ្នាំ២០២០នេះ វគ្គជំរុះបានទៅលើក្រុមយុវជនខេត្តកែប ដោយលទ្ធផង ០២ទល់នឹង០១ ៕
