ព័ត៌មានអន្តរជាតិ

មីយ៉ាន់ម៉ា៖ កាលពីថ្ងៃទី១០ ខែមិថុនា ឆ្នាំ២០២១ យន្តហោះយោធាមីយ៉ាន់ម៉ា១គ្រឿង បានធ្លាក់បន្ទាប់ពីបាត់ការទាក់ទង ជាមួយប៉មត្រួតពិនិត្យ ខណៈពេលហោះហើរមកជិតដល់រោងចក្រដែកថែបមួយ ស្ថិតនៅចម្ងាយតែប៉ុន្មានរយម៉ែត្រ ពីព្រលានយន្តហោះដែលត្រូវចុះនៅជិតទីក្រុងម៉ាន់ដាឡៃ បណ្ដាលឲ្យមនុស្សស្លាប់យ៉ាងតិច១២នាក់ក្នុងនោះមានព្រះសង្ឃមួយអង្គ ។ ព្រះសង្ឃអង្គនោះជាមន្ត្រីសង្ឃជាន់ខ្ពស់ដ៏មានឥទ្ធិពលបំផុត១អង្គដែលជិតដិតជាមួយប្រមុខរបបយោធាមីយ៉ាន់ម៉ា មានព្រះនាម BATHANDA KAVISARA ព្រះជន្ម៩០ព្រះវស្សា ដែលដឹកនាំវត្តដ៏ធំមួយក្នុងចំណោមវត្តធំៗ ក្នុងទីក្រុងណៃពិដោ រដ្ឋធានីមីយ៉ាន់ម៉ា...

រុស្សី៖ កងកម្លាំងជើងទឹករបស់រុស្ស៊ីបានចាប់ផ្តើមធ្វើសមយុទ្ធទ្រង់ទ្រាយធំនៅភាគកណ្តាលនៃមហាសមុទ្រប៉ាស៊ីហ្វិកដែលមានចម្ងាយប្រហែល ៤,០០០គីឡូម៉ែត្រពីមូលដ្ឋានអចិន្រ្តៃយ៍របស់ខ្លួន ដោយមាននាវាចម្បាំង២០ គ្រឿង, នាវាមុជទឹក និងនាវាគាំទ្រផ្សេងៗទៀត រួមទាំងយន្តហោះប្រហែល ២០គ្រឿងដែលរួមមានយន្តហោះស៊ើបការណ៍ និងយន្តហោះចម្បាំងក៏បានចូលរួមនៅក្នុងសមយុទ្ធនេះដែរ ។ នេះបើយោងតាមក្រសួងការពារជាតិរុស្ស៊ី កាលពីថ្ងៃព្រហស្បតិ៍សប្តាហ៍នេះ ។ បើតាមក្រសួងការពារជាតិរុស្ស៊ីបានប្រកាសក្នុងសេចក្ដីថ្លែងការណ៍ថា «សមយុទ្ធប្រតិបត្តិការរបស់កងកងកម្លាំងជេីងទឹករុស្ស៊ីត្រូវបានធ្វើឡើងនៅកណ្តាលមហាសមុទ្រប៉ាស៊ីហ្វិក និងត្រូវបានធ្វើឡើងយោងតាមផែនការបណ្តុះបណ្តាលរបស់ទីបញ្ជាការយោធានៃកងកម្លាំងជើងទឹករុស្ស៊ីប្រចាំនៅតំបន់ប៉ាស៊ីហ្វិក»។ សូមជម្រាបថា សមយុទ្ធយោធានេះរបស់រុស្ស៊ីបានចាប់ផ្តើមធ្វើឡើងមួយសប្តាហ៍បន្ទាប់ពីអាមេរិកបានប្រកាសពីការធ្វើសមយុទ្ធយោធានៅក្នុងមហាសមុទ្រប៉ាស៊ីហ្វិកដែរដើម្បីវាយតម្លៃពីការត្រៀមខ្លួនប្រយុទ្ធ និងសាកល្បងសមត្ថភាពរបស់កងកម្លាំងយោធា។...

វៀតណាម៖ រឿងហួសចិត្ត និងកើតឡើងដែលមិននឹកស្មានដល់ ធ្វើឲ្យស្ត្រីជនជាតិវៀតណាមម្នាក់មាន អារម្មណ៍តក់ស្លុតជាខ្លាំងក្រោយដឹងថា ក្មួយសំណប់ចិត្តរបស់ខ្លួនដែលខំយកមកចិញ្ចឹម តាំងពីតូចបែរ ជាពេលធំដឹងក្តីថ្លើមធំលួចលាក់ទាក់ទងជាមួយប្តីរបស់ខ្លួនរហូតមានផ្ទៃពោះ ។នេះបើយោងតាមសារ ព័ត៌មាន ETtoday ដែលបានចេញផ្សាយកាលពីពេលថ្មីៗកន្លងទៅនេះ ។ ស្ត្រីជនជាតិវៀតណាមខាងលើនេះឈ្មោះ NH ដែលដំបូងឡើយរូបនាងបានរស់នៅជាមួយ ស្វាមីនៅ ប្រទេសអូស្ត្រាលី យ៉ាងមានក្តីសុខ ។...

ឥណ្ឌា៖ មនុស្សចំនួន១១នាក់ បានស្លាប់ភ្លាមយ៉ាងអាណោចអាធ័ម និងចំនួន៧នាក់ផ្សេងទៀតរងរបួស ដែលបណ្តាលមកពីភ្លៀងធ្លាក់ខ្លាំងរលំបាក់ផ្ទះដែលមានកម្ពស់៣ជាន់សង្កត់លើ កាលពីថ្ងៃទី៩ ខែមិថុនា ឆ្នាំ២០២១ នៅក្នុងទីក្រុង Mumbai ប្រទេសឥណ្ឌា ។ ប្រភពពីអាជ្ញាធរបានប្រាប់ឲ្យដឹងថា ការរលំបាក់អគារដែលមានកម្ពស់ប្រមាណ៣ជាន់ខាងលើនេះបង្កឡើងដោយសារភ្លៀងធ្លាក់ខ្លាំងលាយឡំដោយខ្យល់បង្កជាទឹកជំនន់យ៉ាងគហុកនៅតាមតំបន់មួយចំនួនក្នុងទីក្រុង Mumbai ផងដែរ ។ ក្រោយពីហេតុការណ៍ដ៏រន្ធត់នេះកើតឡើងក្រុមប៉ូលីសបានចុះមកដល់កន្លែងកើតហេតុភ្លាមតាមការផ្តល់ព័ត៌មានពីប្រជាពលរដ្ឋ ដើម្បីជួយសង្គ្រោះអ្នកដែលនៅជាប់ក្នុងគំនរបាក់បែកនៃអគារមួយនេះ ៕

ក្វាងចូ៖ មនុស្សចំនួន៩នាក់បានស្លាប់ និងមនុស្ស៨នាក់ផ្សេងទៀតរងរបួសធ្ងន់ បន្ទាប់ពីអគារកម្ពស់៥ជាន់មួយដែលត្រូវបានគេវាយកម្ទេច រលំបាក់សង្កត់លើរថយន្តក្រុង ក្នុងនៅទីក្រុង Gwangju ភាគខាងត្បូង ប្រទេសកូរ៉េខាងត្បូងកាលពីថ្ងៃទី៩ ខែមិថុនា ឆ្នាំ២០២១ ។ បើតាមអ្នកពន្លត់អគ្គីភ័យម្នាក់ឈ្មោះ Kim Seok-sun បាននិយាយាថា កម្មករវាយកម្ទេចអគារទាំងអស់នៅទីតាំងកន្លែងកើតហេតុ ត្រូវបានជម្លៀសឲ្យចេញអស់ហើយ ដោយក្នុងនោះមានការបិទផ្លូវថ្មើរជើងនៅជិតអាគារនេះផងដែរ មុននឹងអគារនេះរលំបាក...

បារាំង៖ បុរសម្នាក់ហ៊ានទះកំផ្លៀងប្រធានាធិបតីបារាំង Emmanuel Macron ក្នុងពេលដែលធ្វើដំណើរទៅកាន់ភាគអាគ្នេយ៍ប្រទេសបារាំងក្នុងចំណោមមនុស្សជាច្រើន កាលពីថ្ងៃអង្គារ ទី៨ ខែមិថុនា ឆ្នាំ២០២១ បង្កការភ្ញាក់ផ្អើលទាំងកណ្តាលថ្ងៃ ។ យោងតាមវីដេអូឃ្លីបនៅក្នុងបណ្តាញសង្គម និងរូបភាពតាមបណ្តាញព័ត៌មានមួយចំនួនបានបានឲ្យដឹងថា នៅពេលដែលប្រធានាធិបតីបារាំងបានដើរសំដៅទៅកាន់អ្នកគាំទ្ររបស់លោក ដើម្បីស្វាគមន៍ ខណៈពេលនោះបុរសម្នាក់បែរជាមិនចាំដៃលោកទេ ថែមទាំងបានទះកំផ្លៀងប្រធានធិបតីវ័យ ៤៣ ឆ្នាំរូបនេះមួយដៃទៅវិញ ។...

មីយ៉ាន់ម៉ា៖ ការប៉ះទង្គិចគ្នាថ្មីៗនិងការវាយប្រហារមិនរើសមុខពីសំណាក់កងកម្លាំងសន្តិសុខប្រឆាំងនឹងតំបន់ជនស៊ីវិលបានបង្ខំមនុស្សប្រមាណ ១០ម៉ឺន នាក់ភៀសខ្លួនចេញពីផ្ទះរបស់ពួកគេនៅរដ្ឋកាយ៉ាភាគខាងកើតជិតព្រំដែនថៃ ។ នេះបើយោងតាមការិយាល័យអ.ស.បនៅមីយ៉ាន់ម៉ាបាននិយាយពីថ្ងៃអង្គារទី៨ ខែមិថុនាម្សិលម៉ិញនេះ ។ ការប៉ះទង្គិចគ្នាបានផ្ទុះឡើងនៅក្នុងសហគមន៍ជាច្រើន ជាពិសេសនៅតាមទីប្រជុំជន ដែលមានចំនួនអ្នកស្លាប់ច្រើនដោយសារស្នាដៃរបស់ប៉ូលិស ហើយអ្នកស្រុកមួយចំនួនបានបង្កើតកម្លាំងការពារដោយខ្លួនឯង ។ សូមជម្រាបថា ការជម្លៀសខ្លួនផ្លាស់ទីលំនេះត្រូវបានធ្វើជាបន្តបន្ទាប់ពីប្រទតេសមីយ៉ាន់ម៉ាបានស្ថិតក្នុងភាពវឹកវរហើយសេដ្ឋកិច្ចរបស់ប្រទេសនេះបានជាប់ទ្រឹងចាប់តាំងពីពួកឧត្តមសេនីយ៍បណ្តេញរដ្ឋាភិបាលរបស់លោកស្រីអ៊ុង សាន ស៊ូជីកាលពីខែកុម្ភៈដោយចោទប្រកាន់ពីបទលួចបន្លំក្នុងអំឡុងពេលបោះឆ្នោតឆ្នាំ ២០២០ ៕

ចិន ៖ រថយន្តកាំមីញ៉ុងបែនជាច្រើនគ្រឿងត្រូវបានចតបន្តកន្ទុយគ្នានៅតាមក្បែរតំបន់លំនៅឋាននា ភាគនិរតីចិនដើម្បីរារាំងហ្វូងដំរីព្រៃដែលដើរអុកឡុកក្រោយពីពួកវាចាកចេញពីតំបន់អភិរក្សមួយដោយហ្វូងដំរីនោះបង្កការបំផ្លិចបំផ្លាញគិតជាប្រាក់ច្រើនលានយន់រួចមកហើយ ។ នេះបើយោងតាមទូរទស្សន៍ចិន CCTV ដែលបានចេញផ្សាយនៅថ្ងៃទី៧ ខែមិថុនា ឆ្នាំ២០២១ ។ ប្រភពខាងលើនេះបានឲ្យដឹងបន្តថា ដំរីព្រៃទាំងនោះមានចំនួនប្រមាណ៥០ក្បាលក្នុងនោះមានទាំងកូន ៗផងបានចាកចេកាលពី ពាក់កណ្ដាល ខែមេសាពីតំបន់អភិរក្សXISHUANG BANNA ជាតំបន់នៅព្រំដែនឡាវ និង មីយ៉ាន់ម៉ា...

ប៉ាគីស្ថាន៖ មនុស្សយ៉ាងតិច៦៣នាក់ បានស្លាប់នៅក្នុងហេតុការណ៍រថភ្លើងបុកគ្នា កាលពីថ្ងៃចន្ទនៅក្នុងតំបន់ដាច់ស្រយាលមួយនៃខេត្ត Sindh ។ នេះបើយោងតាមក្រុមមន្រ្តីផ្លូវដែកប៉ាគីស្ថានដែលបានចេញផ្សាយដោយសារព័ត៌មាន AFP នៅថ្ងៃទី៨ ខែមិថុនា ឆ្នាំ២០២១ ។ លោក Usman Abdullah ស្នងការរងស្រុក Ghotki បង្ហាញការព្រួយបារម្ភយ៉ាងខ្លាំងចំពោះករណីនេះដោយលោកបានលើកឡើងថា “យើងខ្លាចមនុស្សកាន់តែច្រើន អាចនឹងស្លាប់”...

ឥណ្ឌា ៖ អគ្គីភ័យយ៉ាងសន្ធោសន្ធៅឆាបឆេះរោងចក្រគីមីមួយកន្លែង នៅ ជាយទីក្រុង Pune ភាគខាងលិចប្រទេសឥណ្ឌា បានផ្តាច់យកជីវិតមនុស្សចំនួន១៨នាក់ ចណែកកម្មករប្រមាណ៣៧នាក់ បានជាប់ក្នុងអាគារ កាលពីថ្ងៃទី៧ ខែមិថុនា ឆ្នាំ២០២១ កន្លងទៅ ។ បើតាមក្រុមមន្ត្រីជំនាញបានឲ្យដឹងថា ភ្លាមៗនោះក្រុមពន្លត់អគ្គិភ័យបានវាយបំបែកជញ្ជាំងរោងចក្រ ដើម្បីជួយសង្គ្រោះជីវិត ជនរងគ្រោះដែលជាប់នៅក្នុងអាគារ ។...