រន្ធត់ពេកហើយ ជីវិតមនុស្ស៩នាក់ក្នុងរថយន្តក្រុងត្រូវអគាររលំបាក់សង្កត់ស្លាប់ភ្លាមៗ !

ក្វាងចូ៖ មនុស្សចំនួន៩នាក់បានស្លាប់ និងមនុស្ស៨នាក់ផ្សេងទៀតរងរបួសធ្ងន់ បន្ទាប់ពីអគារកម្ពស់៥ជាន់មួយដែលត្រូវបានគេវាយកម្ទេច រលំបាក់សង្កត់លើរថយន្តក្រុង ក្នុងនៅទីក្រុង Gwangju ភាគខាងត្បូង ប្រទេសកូរ៉េខាងត្បូងកាលពីថ្ងៃទី៩ ខែមិថុនា ឆ្នាំ២០២១ ។
បើតាមអ្នកពន្លត់អគ្គីភ័យម្នាក់ឈ្មោះ Kim Seok-sun បាននិយាយាថា កម្មករវាយកម្ទេចអគារទាំងអស់នៅទីតាំងកន្លែងកើតហេតុ ត្រូវបានជម្លៀសឲ្យចេញអស់ហើយ ដោយក្នុងនោះមានការបិទផ្លូវថ្មើរជើងនៅជិតអាគារនេះផងដែរ មុននឹងអគារនេះរលំបាក ។
ពាក់ព័ន្ធនឹងហេតុការណ៍ដ៏រន្ធត់នេះភ្លាមៗនោះគេនៅមិនទាន់ដឹងមូលហេតុច្បាស់នៅឡើយ ប៉ុន្តែទោះបីយ៉ាងណាក្តីអាជ្ញាធរបានខិតខំប្រឹងប្រែងស្វែងរកអ្នករងគ្រោះមួយចំនួនដែលអាចនៅរស់ជាប់ខាងក្រោមគំនរដុំថ្ម និងកម្ទេចកម្ទីនៃអគារមួយនេះ ៕