មួយប្រាវចាប់តាំងពី ក្រុមប្រុសសង្ហារ និងស្រីស្អាត ទាំង៦រូបនេះ ចងក្រងគ្នាត្របាញ់ឡើងឃើញថា បានបំបែកទីផ្សារមិនណយឡើយ។ អ្នកទាំងអស់គ្នាបានវាយលុកតាម ស្ថានីយ៍ទូរទស្សន៍ បន្តកើតឡើងស្ទើររាល់សប្តាហ៍។ កត្តាហក់ឡើងនេះ ធ្វើអោយពួកគេមិននឹកស្មានសោះឡើយថា ការគិតគូបង្កើតសមាជិកនេះអាចទទួល បានសន្ទុះគាំទ្រមួយរយៈពេលខ្លឺ សូម្បីតែខាងអ្នកដឹកនាំកម្មវិធីនៅតាមកញ្ចក់ទូរទស្សន៍នានា នៅតែតាមកក់អញ្ជើញឡើងច្រៀង។
ក្រុម FMD Boy & FMD Girl សុទ្ឋតែមានរូបរាង ស្រស់ស្អាត សង្ហាមិនចាញ់គ្នាឡើយ។ បើនិយាយពីផ្នែកធនធានសិល្បៈវិញម្នាក់ៗ មានដុងចេញពីកំណើតរៀងៗខ្លួនច្បាស់លាស់។ខ្លះចេញពី ការហាត់រៀនសិល្បៈមាន គ្រូត្រឹមត្រូវ ខ្លះឆ្លងកាត់ការប្រឡងចម្រៀង ដែលមានបទពិសោធន៍ល្អក្នុងការលើកដាក់សំឡេង។ មូលហេតុទាំងនេះហើយ ក្លាយជាចលករធ្វើអោយ តារាប្រុសស្រីលំដាប់យុវវ័យ ទាំងនេះឆាប់ហក់ឡើងលឿនក្នុងការប្រឡូកលើ វិស័យចម្រៀង។ ម្នាក់ៗ កំពុងតែមមាញឹកជាមួយ គំនិតច្នៃប្រឌិតថ្មីៗត្រៀមបង្ហាញ មហាជនថែមទៀតដើម្បីប្លែកការចាប់អារម្មណ៍។ តារា៦រូប នោះមាន Marineth Soprano Va Run អា មុី FiiReach Andrew PiCh PiCh Bøÿ។ តារាទាំងនេះ បានបង្ហាញខ្លួន តាមឆាកតន្ត្រី រួចរាល់ហើយ ដោយធ្វើអោយទស្សនិកជន មួយចំនួន ទទួលស្គាល់ការងារ ហើយតិចនិចការសម្តែងឃើញថា មានភាពល្អ គួរអោយទាក់ទាញ។ មានការជឿជាក់ និងកំណត់ទិសដៅ ច្បាស់លាស់បែបនេះហើយ ទើបក្រុមចម្រៀង របស់ពួកគេតែងតែចំណាយពេលគិតគូ និងហ្វឹកហាត់បន្ថែម ដើម្បីអោយល្អទៀត។
តារាប្រុសស្រី ទាំងនេះ ឃើញថា មានទេពកោសល្យ និងគ្រឹះសិល្បៈ ម្យ៉ាងៗម្នាក់ ទើបយកមកបណ្តុះ អោយសាយក្លិន ទាក់ទាញ ឡើងទៀត។ ឯហ្វេនៗវិញ ក៍លួចសរសើរថា ប្រុសៗសុទ្ឋតែ សង្ហា កប់ ឯស្រីៗឃើញថា ស្អាត តែងខ្លួនទាន់សម័យ សមជាតារា។ មិនយូរ មិនឆាប់តារាទាំងនោះ នឹងហក់ឡើងទីផ្សារ ទៅមុខទៀតជាក់ជាមិនខាន។ ឆាប់ៗនេះ នឹងមានបទ ចម្រៀង Original វាយបំបែកទីផ្សារ នាចុងឆ្នាំនេះ និងក្នុងឆ្នាំ២០២២ខាងមុខ។
