មានអ្នកសិល្បៈខ្លះសម្តែងការហួសចិត្ត មិនស្ទើរនិង ខ្លះលើកឡើងថា បើដាច់ខ្យល់អត់លុយ អត់បាយហូប ក៍មិនទៅខ្សឹបប្រាប់លោក ហេងឡុង និង លោកសាវិនហ្វីលីព អោយដឹងដែរ សុខចិត្តតាមកម្មឬ រកអ្នកផ្សេង។ គ្មានអ្នកណាចង់លើកដៃ សំពះសុំជំនួយ គេនោះទេ មកពីទាល់លែងដឹងកិត្តិយស។ ស្ថានភាពបច្ចុប្បន្ននេះ សិល្បៈផ្ងារជើងរកអ្វីមិនបានឡើយ។ រំពឹងលើរបរអន ឡាញប្រជែងគ្នា ថាតើត្រូវមានយុទ្ឋសាស្ត្រអ្វីខ្លះធ្វើអោយជោគជ័យលក់ដាច់មិនងាយ។ ទើបអ្វីដែលបានខ្ចីគេមុនកកទៅជារឿងបំណុល។
យ៉ាងណានេះជាបទពិសោធន៍មួយ ដែលបង្ហាញអោយអ្នកសិល្បៈ ត្រូវចេះគ្រប់គ្រងឱកាសហើយពេលរកលុយបាន ត្រូវចេះសន្សំទុករករបរដែលចូលចិត្តបើកជា អាជីពថ្មី។ គួរកុំចាយវាយភ្លេចខ្លួនអួតអាង ឬលេងល្បែងប៉ោឡែ។ យ៉ាងណា ចង្កោមសិល្បៈលើឡើងថា ទៅលោកហេង ឡុងថា « យើងធ្វើជាម៉ែឪគេ កូនចៅខុសឆ្គងត្រូវណែនាំ មិនមែនចេញមកជួយជាន់គ្នាថែម តាម ខ្យល់មហាជនទេ ។ទោះរឿងវាពិតចឹងក៏ដោយ ត្រូវចេះធ្វើម៉េចជួយរំងាប់ចិត្តមហាជនកុំឱ្យវាយតម្លៃកូនចៅខ្លួនឯងកាន់តែខ្លាំង។ នេះមិនចឹងអី តែស្កៗ តាមមហាជន ដើម្បីប្រជាប្រិយភាពខ្លួនឯងដែរ នេះមិនមែនគេហៅមេ ឬជា ថ្នាក់ដឹកនាំ ល្អទេ។ ហើយបើមេល្អ និងជាម៉ែឪល្អ គេមិនយកបណ្ដាញសង្គម FB ដើម្បីធ្វើចឹងទេ ហឹមដើម្បីប្រជា ប្រិយភាពខ្លួនឯង ចង់កូនចៅ ធ្លាក់ទឹក ថ្នាក់ណាក៏ហ៊ានធ្វើ»។ ចំពោះលោក សាវិនហ្វីលីពវិញ ត្រូវបានអ្នកសិល្បៈចំអកទៅវិញថា ចំណាំគាត់ទុក បើគាត់ធ្លាក់ខ្លួនរួចលុយថ្លៃ ជួយគាត់១០ដុល្លារ គាត់មិនលើកដៃសុំលុយគេទេ។ ពិតណាស់ទាំងលោកហ្វីលីព និង ហេង ឡុងបង្ហោះ សុទ្ឋតែចង់អោយ សិល្បៈទាំងអស់ចេះពិចារណា ហើយត្រូវចេះទុកដាក់លុយកាក់ការពារកុំ អោយពេលអត់លំបាកដល់គេហើយមហាជន វាយតម្លៃ។
លោកហេង ឡុង បានផុសសារថា «ខ្ញុំមិនយល់ហេតុអ្វីអ្នកសិល្បៈខ្វះខាតតែងតែផុស សុំជំនួយ?អ្នកខ្វះខាតជាងយើងមានច្រើនណាស់។ » ខណៈលោក សាវិនហ្វីលីព បង្ហោះសារឈឺៗថា « ហេតុអ្វីបានជាតារាខ្មែរ ជៀសមិនផុតពីការលើកដៃសុំលុយគេអញ្ចឹង? តម្កៃអ្នកសិល្បៈបន្តអាប់ឱន»។មហាជនបានសម្តែងការភ្ញាក់ផ្អើល ក្នងពេលដែលតារាសម្តែងអ្នកនាង ខ្ញុង បានចេញមុខប្រកាសក្តែងថា ខ្លួនបានជំពាក់គេវណ្ឌករហូតមិនមានលទ្ធភាពនោះឡើយ។គេនៅមិនដឹងទេលុយដែលនាងខ្ចីនោះយកទៅប្រើអ្វីនោះឡើយ ប៉ុន្តែតាមការបញ្ជាក់នាងជំពាក់គេប្រមាណជាង៥០មុឺនដុល្លារ។នាងបានបង្ហោះសារតាមគណនេយ្យហ្វេសប៊ុកថា នាងខ្ញុំពិតជាបានខ្ចីបំណុលម្ចាស់បំណុលជាច្រើនទាំងមានសែត គ្មានសែត នាងខ្ញុំពិតជាអស់លិទ្ធភាពក្នុងការរកប្រាក់មកសងបំណុលតទៅទៀតហើយ។ នាងខ្ញុំមានតែត្រូវជាប់ពន្ធនាគារដែលមូលហេតុមិនមានប្រាក់សងម្ចាស់បំណុលតទៅទៀតទេ។ នាងបញ្ជាក់ថា ដោយនាងខ្ញុំអាណិតកូនប្រុសទាំងពីរនាក់ដែលមានម្ដាយនឹងត្រូវជាប់ពន្ធនាគារ ដូចនេះហើយដើម្បីឲ្យកូនខ្ញុំបានបន្តរៀនសូត្រនឹងបានបាយហូប សូមបងប្អូនដែលធ្លាប់គាំទ្រនាងខ្ញុំជួយអនុគ្រោះផ្តល់ជូនខ្ញុំ 1 ដុល្លារផងចុះ នាងខ្ញុំពិតជាអរគុណបងប្អូនទាំងអស់គ្នាទុកជាមុន។
