ភ្នំពេញ ៖ ជនសង្ស័យម្នាក់ ត្រូវបានកម្លាំងប៉ុស្តិ៍នគរបាលច្បារអំពៅ២ នៃអធិការដ្ឋាននគរបាលខណ្ឌច្បារអំពៅ និងកម្លាំងអន្តរាគមន៍ ដេញចាប់វា.យ.ខ្នោះបានភ្លាមៗ បន្ទាប់ពីបានធ្វើសកម្មភាព វា.យប្ល.ន់យកម៉ូតូមួយគ្រឿង ពីជនរងគ្រោះ កាលពីវេលាម៉ោង៨និង៣០នាទីយប់ថ្ងៃទី៨ ខែកញ្ញា ឆ្នាំ២០២១ ស្ថិតនៅចំណុចក្រោមស្ពានព្រះមុនីវង្សចាស់ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ។
![](https://cen.com.kh/wp-content/uploads/2021/09/photo_2021-09-09_12-59-25-2.jpg)
សមត្ថកិច្ចបានឲ្យដឹងថា ជនរងគ្រោះមានឈ្មោះ ថាន់ ប៊ី ភេទប្រុស អាយុ៣៩ឆ្នាំ ជនជាតិវៀតណាម មុខរបរកម្មករសំណង់ ស្នាក់នៅភូមិកណ្តាល សង្កាត់ច្បារអំពៅ២ ខណ្ឌច្បារអំពៅ។ចំណែកជនសង្ស័យខាងលើមានឈ្មោះ ជា រស្មី ហៅបារាំង ភេទប្រុស អាយុ៣១ឆ្នាំ ជនជាតិខ្មែរ មុខរបរនិងស្នាក់នៅមិនពិតប្រាកដ និងមានសារធាតុញៀនផងដែរ។
![](https://cen.com.kh/wp-content/uploads/2021/09/photo_2021-09-09_12-59-26-2.jpg)
យោងតាមសម្តីជនរងគ្រោះបានប្រាប់ឲ្យដឹងថា នៅមុនពេលកើតហេតុ រូបគាត់បានជិះម់ូតូម៉ាកកុបមួយគ្រឿង ពណ៌ស ពាក់ផ្លាកលេខភ្នំពេញ 1CY-3365 ឌុបកូនតូចម្នាក់របស់គាត់ទៅផ្ទះ លុះដល់ចំណុចកើតហេតុ ក៏លេចមុខជនសង្ស័យដើរចេញមកពីក្រោយ ហើយធ្វើសកម្មភាពចាប់ក្រៀកកូនរបស់គាត់ ដោយគំរាមថា ឲ្យម៉ូតូមកអញ ប្រយ័ត្នអញស.ម្លាប់កូនរបស់ឯងចោល ហើយក៏វា.យជនរងគ្រោះមួយដៃចំស្មាខាងស្តាំ ពេលនោះជនរងគ្រោះភ័យ ក៏បានរត់ចោលម៉ូតូ រួចក៏ស្រែកថាចោរៗ ពេលនោះជនសង្ស័យ ក៏យកម៉ូតូជនរងគ្រោះជិះរត់គេចខ្លួន ភ្លាមៗនោះកម្លាំងសមត្ថកិច្ចនៃអធិការដ្ឋានខណ្ឌច្បារអំពៅ និងកម្លាំងប៉ុស្តិ៍ច្បារអំពៅ២ កំពុងតែល្បាតនៅក្បែរនោះ ឃើញហេតុការនេះ ក៏បានដេញស្ទាក់ចាប់ជនសង្ស័យ រហូតដល់សង្កាត់បឹងត្របែក ខណ្ឌចំការមន ទើបចាប់សង្ស័យវា.យ.ខ្នោះរួមនឹងម៉ូតូជនរងគ្រោះ បញ្ជូនមកធ្វើការសាកសួរ នៅអធិការខណ្ឌច្បារអំពៅ និងកសាងសំណុំរឿងបញ្ជូនទៅកាន់តុលាការ ចាត់ការតាមនីតិវិធី៕