សត្វឆ្កែត្រូវបានគេចាត់ទុកថា ជាសត្វដែលមានចិត្តស្មោះត្រង់បំផុតជាមួយម្ចាស់របស់វា ដែលជាចំ ណុចមួយក្នុងចំណោចចំណុចល្អជាច្រើនទៀតរបស់សត្វឆ្កែដែលធ្វើឲ្យមនុស្សស្រលាញ់ចូលចិត្តយក មកចិញ្ចឹមពិសេសប្រជាពលរដ្ឋនៅក្នុងបណ្តាប្រទេសនៅអឺរ៉ុបស្រលាញ់សត្វឆ្កែដូចជាសាច់ញាតិ ដែលនាំឲ្យមានការបង្កាត់ពូជកូនឆ្កែយកទៅលក់ជាមុខរបរមួយដែលឈ្មួញមួយចំនួនមិនបានព្រួយបារម្ភអំពីសុខភាព ឫ សេរីភាពរបស់សត្វឆ្កែទាំងនោះទេ ។
ពាក់ព័ន្ធនឹងបញ្ហានេះបើតាមប្រភពព័ត៌មានមួយចំនួនបានឲ្យដឹងថាសត្វឆ្កែជាច្រើនក៏កំពុងរង ការ ឈឺចាប់ដោយសារតែភាពឃោរឃៅរបស់មនុស្សមួយចំនួន ។ ក្នុងនោះបើងាកមើលទៅលើវិធីបង្កាត់ពូជកូនឆ្កែរបស់ឈ្មួញ ដើម្បីបានកូនឆ្កែស្អាតៗយកមកលក់ គឺមានភាពខ្មៅងងឹត និងឃោរ ឃៅចំពោះ មេរបស់កូនឆ្កែទាំង នោះខ្លាំងណាស់ដែលអ្នកមួយចំនួនមិនធ្លាប់បានដឹង ។
ផ្ទុយទៅវិញ មេឆ្កែសម្រាប់បង្កាត់ពូជគឺត្រូវបានគេឃុំទុកនៅក្នុងទ្រុង ប្រៀបដូចអ្នកទោស និង ចំណីអាហារក៏ផ្តល់មិនបានគ្រាប់គ្រាន់ហើយត្រូវបង្កើតកូនឆ្កែតាមការចង់បានរបស់ឈ្មួញ។ ដោយសារតែតម្លៃកូនឆ្កែស្អាតៗ លក់នៅលើទីផ្សារមានតម្លៃខ្ពស់ ទើបកន្លែងមួយចំនួនបានបង្កាត់កូនឆ្កែសម្រាប់លក់ ធ្វើរឿងដែលហួសចិត្តបែបនេះដើម្បីតែផលប្រយោជន៍របស់ខ្លួន ៕
