គ្រឿងញៀន ជិត ៣៥ គីឡូក្រាម ត្រូវបានកម្លាំង នគរបាលខេត្ត បាត់ដំបង សហការ ជាមួយ កម្លាំង នគរបាល ខេត្តបន្ទាយមានជ័យ បង្ក្រាបចំនួន០២ករណី ដោយឡែកពីគ្នានិងឃាត់ខ្លួនជនជនសង្ស័យចំនួន៨នាក់ ស្រី០៣នាក់

នៅថ្ងៃទី ១៦ ខែមិថុនា ឆ្នាំ ២០២១ កម្លាំង នគរបាល ចរាចរណ៍ ផ្លូវ គោក រួម និង ក្រុមអន្តរាគមន៍ បង្ការ បង្ក្រាប នៃស្នងការដ្ឋាននគរបាលខេត្តបាត់ដំបង បាន សហការ ជាមួយ កម្លាំងអធិការដ្ឋាននគរបាលក្រុងប៉ោយប៉ែត ដឹកនាំបញ្ជាផ្ទាល់ពី លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នឹងមានការ សម្របសម្រួល ទៅលេី នីតិវិធី ពី ឯកឧត្តម កែវ សុជាតិ ព្រះរាជអាជ្ញា អមសាលាដំបូងខេត្តបាត់ដំបង និង ឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ បានសហការចុះអនុវត្តដីកាលេខ ១២ អយក/០២១ ចុះថ្ងៃទី ៣១ ខែឧសភា ឆ្នាំ២០២១ ចេញដោយឯកឧត្តម កែវ សុជាតិ របស់ព្រះរាជអាជ្ញានៃអយ្យការអមសាលាដំបូងខេត្តបាត់ដំបង បញ្ជាឲ្យចូលខ្លួន កម្លាំងយេីងបានចុះប្រត្តិបត្តិការ ឃាត់ខ្លួន បាន ជនសង្ស័យចំនួន ៤ នាក់ នៅផ្ទះល្វែងមួយកន្លែង ស្ថិតក្នុងភូមិផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្ត បន្ទាយមានជ័យ ។

1️⃣ ឈមោះ រ៉ុង គឹមហាក់ ភេទប្រុស អាយុ ៣៥ ឆ្នាំ មានទីលំនៅ ភូមិ ផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្ត បន្ទាយមានជ័យ ។
2️⃣ ឈមោះ រ៉ុង គឹមហៀង ភេទប្រុស អាយុ ៣៩ ឆ្នាំ មានទីលំនៅ បណ្ដោះអាសន្នភូមិ ផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្ត បន្ទាយមានជ័យ ។
3️⃣ ឈមោះ សុខ សេដ្ឋា ភេទប្រុស អាយុ ២២ ឆ្នាំ មានទីលំនៅភូមិ ផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្ត បន្ទាយមានជ័យ ។
4️⃣ ឈមោះ ឡាន់ ជិដាសៃស៊ូងនឹន ភេទស្រី អាយុ ២៨ ឆ្នាំ ជនជាតិថៃ បច្ចុប្បន្ន រស់នៅក្នុងភូមិ ផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្ត បន្ទាយមានជ័យ ។

🔗 ករោយពី ការឃាត់ខ្លួនជនសង្ស័យ ទាំង ០៤ នាក់ខាងលេី កម្លាំង សមត្ថកិច្ចយេីងបានបន្តឆែកឆេរនៅផ្ទះជនសង្ស័យខាងលើរកឃើញវត្ថុតាងសង្ស័យមាន សារធាតុញៀនរួមាន
– ម្សៅក្រាមសង្ស័យសារធាតុញៀន ចំនួន ៣៣ កញ្ចប់ធំ ទម្ងន់ ៣២,៩៥៩.៥១ក្រាម (ថ្លឹងសាច់ថ្នាំសុទ្ធ)
– ម្សៅក្រាម ស ថ្លាសង្ស័យសារធាតុញៀន ៥ ថង់តូច ទម្ងន់ ៣១៣.៣៨ក្រាម (ថ្លឹងទាំងសំបកថង់)
– ថ្នាំគ្រាប់ អ៊ិចស្តាស៊ី ចំនួន១១០
– ថ្នាំគ្រាប់ WY ចំនួន ៣៨៣ គ្រាប់
– ជញ្ជីង សម្រាប់ ថ្លឹង ថ្នាំញៀនចំនួន២គ្រឿង
– សម្ភារៈកែច្នៃ សម្រាប់ ប្រើប្រាស់គ្រឿងញៀនមួយចំនួន
– រថយន្តម៉ាក តូយូតា ហាយឡែនឌឺ ពណ៌ទឹកប្រាក់ ពាក់ស្លាកលេខ បន្ទាយមានជ័យ 2C-3186
– ម៉ូតូកង់ ៤ មួយគ្រឿង ពណ៌ខ្មៅ-ក្រហម
– អាវុធ ខ្លី ម៉ាក SIGSAUER P365 ០ ១ ដេីម បង់២ គ្រាប់ចំនួន ១១ គ្រាប់
– ម៉ាស៊ីនរាប់លុយ ១ គ្រឿង ។

🚓🔗 ករោយពីធ្វើការសាកសួរទៅ លេី ជនសង្ស័យទាំង ០៤ នាក់ ខាងលេី នៅថ្ងៃដដែលកម្លាំងអធិការដ្ឋានក្រុងប៉ោយប៉ែត បាន បន្ត សហការ ជាមួយ កម្លាំងអធិការដ្ឋាននគរបាលស្រុកម៉ាឡៃ កម្លាំងនគរបាលវរសេនាតូចការពារព្រំដែនគោកលេខ ៨១៥ បានបន្តឃាត់ខ្លួនជនសង្ស័យចំនួន ៤ នាក់ បន្ថែមទៀត នៅ ចំណុច ដីឡូត៍ ស្ថិតក្នុង ភូមិទួលពង្រ ឃុំម៉ាឡៃ ស្រុកម៉ាឡៃ ខេត្ត បន្ទាយមានជ័យ នៅផ្ទះសង្ស័យឈ្មោះ ឡេង គឹមឡាយ ភេទប្រុស អាយុ ៥៥ឆ្នាំ មុខរបរមិនពិតប្រាកដ បានរត់គេចខ្លួន។

1️⃣ ឈមោះ ឡុង សារិទ្ធ ភេទប្រុស អាយុ ៣០ ឆ្នាំ
2️⃣ ឈមោះ គួន ស្រីឡាន់ ភេទស្រី អាយុ ៣៣ឆ្នាំ មុខរបរសំណង់
3️⃣ ឈមោះ សេង ស្រីនិច ភេទស្រី អាយុ ២៣ឆ្នាំ មុខរបរ ធ្វើការកាស៉ីណូ
4️⃣ ឈមោះ ហែម វណ្ណលី ភេទប្រុស អាយុ ៥៥ឆ្នាំ មុខរបរកសិករ ។

នៅ ក្នុងប្រតិបត្តិការនេះ ដែរ កម្លាំងសមត្ថកិច្ចយេីង បាន ដកហូតវត្ថុតាងរួមាន ៖
– ម្សៅក្រាម ស ថ្លាចំនួន ១ កញ្ចប់ និង ១ ថង់តូច
– អាវុធ ខ្លី ម៉ាក GLOCK ចំនួន ១ ដើម មានគ្រាប់ ១៦ គ្រាប់
– ថ្នាំប្រភេទគ្រាប់សង្ស័យមាន សារធាតុញៀនចំនួន ៦៣ គ្រាប់ ក្នុងនោះពណ៍ក្រហម ៥៥ គ្រាប់ ពណ៌ខៀវ ៨ គ្រាប់
– ថ្នាំប្រភេទទឹកសង្ស័យមាន សារធាតុញៀនចំនួន ៥ប្រអប់ មាន ១២៥ ដប
– ថង់សម្រាប់ច្រកថ្នាំញៀន ១ ចំនួន
– ទូរសព្ទដៃចំនួន ៣ គ្រឿង
– រថយន្តម៉ាក TOYOTA Prius ពណ៌ស គ្មានស្លាកលេខ ០១ គ្រឿង

បច្ចុប្បន្នជនសង្ស័យទាំងអស់រួមនឹងវត្ថុតាង ត្រូវបានកម្លាំងជំនាញនៃស្នងការរដ្ឋាននគរបាលខេត្តបន្ទាយមានជ័យ កំពុងកសាងសំណុំរឿងចាត់ការបន្តតាមនីតិវិធី៕