ខេត្តមណ្ឌលគិរី៖ នៅថ្ងៃទី២១ ខែឧសភា ឆ្នាំ២០២១ វេលាម៉ោង ១៤និង៣០នាទី កម្លាំងជំនាញការិយាលយ័ប្រឆាំងគ្រឿង ញៀនសហការជាមួយកម្លាំងនៃអធិការ ដ្ឋាននគរ បាលក្រុងសែនមនោរម្យដឹកនាំដោយលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងទទួល បន្ទុកផែនប្រឆាំងគ្រឿងញៀន សម្របសម្រួលនិងចុះផ្ទាល់ដោយលោក មាស វឌ្ឍនា ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះបង្រ្កាបករណីជួញដូរចែកចាយរក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចផ្ទះរបស់ឈ្មោះ ហែម ម៉េង ស្ថិតនៅភូមិចំការតែ សង្កាត់ស្ពានមានជ័យក្រុងសែនមនោរម្យ ខេត្តមណ្ឌលគិរី ។
កម្លាំងសម្ថកិច្ចបានធ្វើការឃាត់ខ្លួនជនសង្ស័យសរុបទាំអស់ចំនួន១១នាក់ស្រី ០២ នាក់ និងចាប់យកសម្ភារវត្ថុតាងមួយចំនួនមានដូចខាងក្រោម៖ទី១-ឈ្មោះ ហែម ម៉េង ភេទប្រុស អាយុ៦០ ឆ្នាំជនជាតិខ្មែរ មុខរបរកសិករ មានទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី វិជ្ជមាន។ទី២-ឈ្មោះ ជិន ប៊ុនធឿន ភេទប្រុស អាយុ៣៩ឆ្នាំជនជាតិខ្មែរ វិជ្ជមាន ។ ទី៣-ឈ្មោះ លី ប៊ុនឡេង ភេទប្រុស ជនជាតិខ្មែរ វិជ្ជមាន។ ទី៤-ឈ្មោះ ធី ចាន់ណា ភេទប្រុស អា យុ៣០ឆ្នាំជនជាតិខ្មែរ វិជ្ជមាន។ទី៥-ឈ្មោះ វឿន ស្រង់ភេទប្រុសជនជាតិខ្មែរវិជ្ជមាន។
ក្រោយមកកម្លាំងសម្ថកិច្ចបានបន្តការ ស៊ើប អង្កេតស្រាវជ្រាវតាមជំនាញ នៅថ្ងៃដ៍ដែលបានឃាត់ខ្លួនជនសង្ស័យចំនួន០៦នាក់ថែមទៀត ស្រី០២នាក់នៅ
ផ្ទះរបស់ឈ្មោះ ម៉ូត ស្រីម៉ៅ ភេទស្រីនិងឈ្មោះកែវ សុវណ្ណរ៉ា ហៅខ្លូត ភេទប្រុស ស្ថិតនៅភូមិចំការតែ និងភូមិអូរស្ពានមានជ័យសង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
ជនសង្ស័យដែលបានឃាត់ខ្លួនរួមមានដូចខាងក្រោម ទី១-ឈ្មោះ ម៉ូតស្រីម៉ៅ ភេទស្រី អាយុ ៤០ឆ្នាំជនជាតិខ្មែរ វិជ្ជមាន។ ទី២-ឈ្មោះកាក់ ទិត្យ ភេទប្រុស អាយុ ២៨ ឆ្នាំ ជនជាតិខ្មែរ វិជ្ជមាន។ ទី៣-ឈ្មោះ ផុន សីហា ភេទស្រី អាយុ ២៦ ឆ្នាំជនជាតិខ្មែរ អវិជ្ជមាន។ ទី៤-ឈ្មោះ អ៊ុ ផានិត ភេទប្រុស អាយុ២៩ឆ្នាំ ជនជាតិខ្មែរ អវិជ្ជមាន។ ទី៥-ឈ្មោះ ពុន សំអ៊ុន ភេទប្រុស អាយុ ៣២ ឆ្នាំ ជនជាតិខ្មែរ វិជ្ជមាន ។ ទី៦-ឈ្មោះ ទីន ភី ភេទប្រុស អាយុ ២៣ឆ្នាំជនជាតិខ្មែរ វិជ្ជមា។
វត្ថុតាងដែលដកហូតបានរួមមាន សារធាតុ មានសណ្ឋានជាក្រាមពណ៌សថ្លាសង្ស័យថាជាសារធាតុញៀនចំនួនសរុប(១៦កញ្ចប់) ០៣ កញ្ចប់ធំល្មមនិង១៣កញ្ចប់តូច ទម្ងន់ ១២,៩០ក្រាម ថ្លឹងទាំសំបក ទូរស័ព្ទ ចំនួន០៩គ្រឿង (ម៉ាកVivo ០១គ្រឿង , ម៉ាកSamsung ចុចពិល ០១គ្រឿង,ម៉ាកNokia ចុចពិល០១គ្រឿង ម៉ូតូចំនួន០៩គ្រឿង(ម៉ាក Honda dream ពណ៌ខ្មៅចំនួន០៣គ្រឿងពណ៌បៃតងចំនួន០១ គ្រឿង ,ម៉ាក Exiter ពណ៌ខ្មៅ០១គ្រឿងម៉ាកVave aពណ៌ក្រហមចំនួន០១គ្រឿងម៉ាកHonda rsx ពណ៌ខ្មៅចំនួន០១គ្រឿងពណ៌ក្រហមចំនួន០២ គ្រឿង ដែកកេះ០៩ ដើម លោហៈធាតុពណ៌លឿង ខ្សែកចំនួន០៣ខ្សែ ខ្សែដៃចំនួន០៤ខ្សែ ខ្សែជើងចំនួន០១ខ្សែជញ្ជៀនចំនួន០២ វង់ ក្រវិលចំននួន០២គូរ ឧបករណ៍កែឆ្នៃសម្រាប់ជក់ថ្នាំញៀនមួយចំនួន ដាវចំនួន០២ ដើមជញ្ជីងថ្លឹងគ្រឿងញៀនចំនួន០១គ្រឿង ដែកសម្រាប់ចូកគ្រឿងញៀន ចំនួន០៣ សំបុត្រកំណើត០១ស្លឹកបណ្ណ័សម្គាល់ម៉ូតូ ចំនួន ០១ សន្លឹក ទឹកថ្នាំសម្រាប់ជក់០២ដបឧបករណ៍ជក់ថ្នាំអេឡិចត្រូនិច០១គ្រឿង Voopoo ប្រាក់រៀល៧៣០០០រៀលថង់វេចខ្ចប់គ្រឿងញៀនមួយចំនួន កន្ត្រៃចំនួន ០១ ។
ចំពោះករណីនេះកម្លាំងការិយាល័យប្រឆាំងគ្រឿងញៀន និងអធិការដ្ឋាននគរបាលក្រុងសែនមនោរម្យកំពុងកសាងសំណុំរឿងនិងចាត់ការបន្តរទៅតាមនីតិវិធីច្បាប់ ៕
