រឿងចិនបុរាណបែបប្រវត្តិសាស្ត្រមួយដែលគេស្គាល់ស្ទើគ្រប់គ្នានោះ គឺរឿងសាមកុក នគរទាំងបី (Three Kingdoms) ឬតែងនិយមហៅថារឿងឆាវឆាវ ដែល ផលិតករបានរៀបចំផលិតសារជាថ្មីចុងក្រោយនេះ ធ្វើឲ្យមានការរិះគន់ជាខ្លាំង ទៅលើតួអង្គសំខាន់ៗ ក្នុងរឿងនេះ ក្រោយពីបានចេញផ្សាយពីតួអង្គជាសារធារណៈ ។
កាលពីពេលថ្មីៗនេះ បណ្ដាញ ព័ត៌មាន Sohu បានរាយការណ៍ថា ក្រុមការងារ ខ្សែ ភាពយន្ត រឿង Dynasty Warriors បានបញ្ចេញកម្រង រូបភាពថ្មី របស់តួអង្គ សំខាន់ ៗ ដើម្បីផ្សព្វផ្សាយរឿងរបស់ ខ្លួន។ រឿង ទទួល បាន ចំណាប់ អារម្មណ៍ តាំង ពី ពេល ទើបតែប្រកាសគម្រោងព្រោះប្រមូលផ្ដុំដោយតារាល្បីៗជាច្រើន ។
ក្រោយពីបានឃើញ រូបភាពតួអង្គហើយមនុស្សជាច្រើន ហាក់សម្តែងការហួសចិត្ត និងអ្នកខ្លះមិនពេញចិត្តនឹងការរើសតួរបស់ផលិតករឡើយ ។ ជាក់ស្ដែងនៅក្នុង ប្រវត្តិសាស្ត្រឆាវឆាវគឺជាមេទ័ពឈ្លាសវៃតែមានរូបសម្បត្តិ និង អាយុជ្រេតែនៅ ក្នុង វណ្ណកម្មលើកនេះតួឆាវឆាវត្រូវរ៉ាប់រងដោយតារាសម្ដែងប្រុស Wang Kai ដែល មាន រូប សម្បត្តិស្អាតខ្លាំងធ្វើឲ្យគេពិបាកស្រមៃ ។
ក្រៅពីនេះមេទ័ពលីវពូមានអាយុជាង២០ ឆ្នាំតែក្នុងរឿងនេះអ្នកសម្ដែងគឺ Louis Koo ដែលមានអាយុក្រៅ ៥០ ឆ្នាំទៅហើយ ។ ក្រៅពីនេះតួ គួនអ៊ីរបស់ Han Geng ត្រូវបានវាយតម្លៃថា ប៉ាតមុខខ្មៅជ្រុលធ្វើឲ្យបាត់បង់ទម្រង់មុខអស់ ។
សូមជម្រាបថា រឿងថ្មីនេះ មានការបោះទុនធំ ដោយចេញថតរហូតដល់ ប្រទេស New Zealand ទោះបីជាត្រូវរិះគន់ មែនពិតតែ ខ្សែភាពយន្តខាងលើនៅតែត្រូវ បាន ទស្សនិកជនចិនទន្ទឹងរង់ចាំថ្ងៃចេញបញ្ចាំងនៅរោងកុនដដែរ ៕
