រដ្ឋបាលខេត្តព្រះសីហនុ អនុញ្ញាតឲ្យដំណើរការអាជីវកម្ម៣កន្លែងបន្ថែមទៀត ក្រោយបញ្ចប់ចត្តាឡីស័ក

ភ្នំពេញ៖ ថ្ងៃទី១៤ ខែមីនា ឆ្នាំ២០២១នេះ អភិបាលខេត្តព្រះសីហនុ លោក គួច ចំរើន ប្រានប្រកាសអនុញ្ញាតឲ្យដំណើរការអាជីវកម្មប្រក្រតីឡើងវិញដែលមានចំនួន៣កន្លែង ។
បើយោងតាមប្រភពពីសេចក្តីសម្រេចរបស់រដ្ឋបាលខេត្តព្រះសីហនុបានឲ្យដឹងថា ការប្រកាសឲ្យអាជីវកម្មទាំង៣ទីតាំងក្នុងខេត្តព្រះសីហនុអាចដំណើរការឡើងវិញ នេះដោយសារបានបញ្ចប់ជាមណ្ឌលចត្តាឡីស័ករួចរាល់ ។
ប្រភពដដែលនេះបញ្ជាក់ថា ទីតាំងអាជីវកម្មទាំង៣នោះរួមមាន ៖ ទី១៖ ផ្ទះស្នាក់នៅរបស់បុគ្គលិកខេធីវី សណ្ឋាគារកាស៉ីណូ ជីនប៉ីព័រអី (ជីនប៉ី៣) ។ ទី២៖ អគារស្នាក់នៅរួមវីន ភ្យឈ័រ ខុនដូអាជីវកម្ម ។ ទី៣៖ សណ្ឋាគារអេសអេសហូថេល និងរេស៉ីដិន ៕