លោក Richard Yu ប្រធានក្រុមអាជីវកម្មអតិថិជនរបស់ក្រុមហ៊ុន Huawei ត្រូវបានដឹងថា កំពុងចាប់ផ្ដើមផ្ដោតអារម្មណ៍ទៅលើរថយន្តអគ្គិសនី ដោយត្រៀមនឹងដាក់គោលដៅធំចូលទីផ្សារ ជាមួយនឹងតម្លៃសមរម្យសម្រាប់អ្នកប្រើប្រាស់ថែមទៀតផង នេះបើយោងតាមរបាយការណ៍ថ្មីមួយពីក្រុមហ៊ុនមួយនេះ។
ក្នុងនោះគេដឹងថាក្រុមហ៊ុន Huawei កំពុងតែពិភាក្សាជាមួយ ក្រុមហ៊ុនផលិតរថយន្តរបស់រដ្ឋចិន (ឆាងអាន អូតូម៉ូបៃ) Changan Automobile ដែលមានរោងចក្រផលិតរថយន្ត និងមានបច្ចេកវិទ្យាថាមពលថ្មី BluePark ដើម្បីជួយពួកគេផលិតរថយន្តអគ្គិសនីផងដែរ។
បើតាមអ្នកនាំពាក្យរបស់ Huawei បានបដិសេធថា ខ្លួនមិនមានគម្រោងរចនាអគ្គិសនី ឬផលិតរថយន្តដាក់ឈ្មោះ Huawei អីនោះទេ។ ប៉ុន្ដែពួកគេមានបំណងក្លាយជា អ្នកតម្រង់ទិសមួយក្នុងវិស័យរថយន្តអគ្គិសនី ក៏ដូចជាផ្គត់ផ្គង់គ្រឿងបន្លាស់ផ្សេងៗ ដើម្បីជំរុញឲ្យការផលិតរថយន្តប្រភេទនេះកាន់តែប្រសើរបន្ថែមទៀត៕
