កញ្ញា ជេននី ជាតារាសម្តែង ហើយក៏ជាអ្នកលក់ផលិតផលតាមអនឡាញម្នាក់ដ៍លេចធ្លោម្នាក់ដែរ។នាងមានការរាប់អានជាមួយ ជនរងគ្រោះហើយថែម ទាំងបានផ្តល់កន្លែងអោយធ្វើការបានប្រាក់ចិញ្ចឹមជីវិត និងជួយគ្រួសារ។ពេលទទួលដំណឹង អកុសលនេះធ្វើអោយកញ្ញា ជេន នីហួសចិត្តរហូតស្រណោះបំផុតមិនគួរមនុស្សល្អឆាប់ទៅ។
លោកសេរី សុភាព មានអាយុ២៤ឆ្នាំ បានបាត់បង់ជីវិតដោយ រងគ្រោះថ្នាក់ចរាចរណ៍កាលពីយប់ថ្ងៃទី២៨ ធ្នូ ឆ្នាំ២០២០ នៅក្បែរផ្សារសុវណ្ណា។នេះជាដំណឹងរន្ឋត់មួយដែលមិត្តសិល្បករមានការសោកស្តាយជាទីបំផុតហើយក៏សូមអញ្ជើញចូលរួមពិធីបុណ្យសពតាមសទ្ឋារៀងៗខ្លួន។
នៅលើបណ្តាញសង្គមហ្វេសបុករបស់កញ្ញា ជេននីសរសេរថា ក្រោកពីគេងបើកទូរសព្ទ័មើលឆាត ឃើញហើយទទួលយកអត់បានទេ និយាយមែន😭 ហេតុអ្វីបានមនុស្សល្អអាយុខ្លីម្លេះ ចំនែនមនុស្សអាក្រក់សាងកម្មបៀបបៀងអ្នកដទៃ ម៉េចក៏វាអាយុវែងម្លេះ ម៉េចមិនងាប់អោយឆាប់ទៅ. គ្នាខំប្រឹងណាស់សម្រាប់ការងារសិល្បះនឹងខំរកលុយចិញ្ចឹមម្ដាយជរា ពេលមកធ្វើការអោយខ្ញុំម្ដងៗពេលខ្លះសុខចិត្តជិះកង់មក ខ្លាចស្ទះផ្លូវ ខ្លាចមកយឺតម៉ោង ប៉ុន្មានថ្ងៃមុនគេនិយាយជាមួយខ្ញុំថា ចែខ្ញុំចង់បានកុំទ្យូទរ័មួយ ស្រួលធ្វើការងារអោយចែនៅផ្ទះបន្ថែម ខ្ញុំសន្សំលុយបានមួយចំនួនហើយ ចែជួយប្អូនខ្លះបានអត់ ខ្ញុំក៏ជួយបង្រ្គប់គ្នាទៅ គ្នាសប្បាយចិត្តធ្វើការទាំងមុខញញឹមរហូត វានិយាយប្រាប់ខ្ញុំទៀតថា ចែគូដណ្ដឹងខ្ញុំនៅស្វាយរៀង បើថ្ងៃក្រោយខ្ញុំអញ្ចើញចែទៅញាំការ ចែទៅអត់? ខ្ញុំឆ្លើយថា ទៅ និយាយមិនទៅម៉េចហា ហើយចងដៃយ៉ាងពិសេសទៀត ការ admin ចែមួយទាំងមូល. លុះមកដល់យប់មិញនេះប្រហែលម៉ោង10 ខ្ញុំបានទូរព្ទ៍ទៅ noya សួរថាអូននៅណា? វាថានៅក្លឹបជាមួយមេ មេវាហៅទៅ ញុំក៏និយាយថា អឺ កុំផឹកច្រើនពេក ព្រោះស្អែកមានការងារត្រូវធ្វើច្រើន ការងារគេបន្ទាន់ផង វាថា បាទចែ មិនអីទេ ស្អែកញុំធានាធ្វើតែម៉ាភ្លេតទេរួចរាល់ហើយ ចែកុំបារម្មណ៍! ឥលូវក្រោកពីគេងភ្លាម បើកឆាតភ្លាម ឃើញចឹងភ្លាម ចែនិយាយមែន ចែទទួលយកអត់បានទេ😭😭😭 ហេតុអ្វីបានមនុស្សល្អ ខំតស៊ូនឹងជីវិតដូចប្អូនអាយុខ្លីម្លេះ😭 វាប្រាប់ខ្ញុំទៀតថា ចែហា ខ្ញុំទើបតែធ្វើបទ Original song ថ្មី ពីរោះណាស់ ពេលខ្ញុំល្បី ពេលខ្ញុំមានលុយច្រើន ខ្ញុំនឹងអោយអ្នកមើលងាយខ្ញុំមកញញឹមដាក់ខ្ញុំវិញទាំងអស់! ឥលូវប្អូនទៅបាត់ ទាំងមិនទាន់បានបំពេញក្ដីស្រមៃរបស់ប្អូនផង ចែអាណិតមនុស្សតស៊ូដូចអូនណាស់😭 សមវិញ្ញាណខណ្ឌប្អូនទៅកាន់សុខតិភពចុះ កើតមកជាតិក្រោយសុំអោយល្អ ជាកូនអ្នកមាន កុំអោយអភព្វដូចជាតិនេះទៀត។
