ម៉ូតូ២គ្រឿងបើកលឿន បុកគ្នាស្លាប់ទាំងសងខាង

ខេត្តមណ្ឌលគិរី៖ ម៉ូតូពីរគ្រឿង បានបើកបុកគ្នា បណ្ដាលឲ្យស្លាប់ចំនួន២នាក់ កាលពីវេលាព្រលប់ ថ្ងៃទី១៤ ខែសីហា ឆ្នាំ២០២០ ស្ថិតក្នុងភូមិពូលូង សង្កាត់រមនា ក្រុងសែនមនោរម្យ។

លោក យឹម ចិន្តា នាយការិយាល័យនគរបាលចរាចរណ៍ផ្លូវគោក នៃស្នងការដ្ឋានខេត្ត បានឱ្យដឹងថា ហេតុការណ៍គ្រោះថ្នាក់ចរាចរណ៍ បានកើតឡើង រវាងម៉ូតូនិងម៉ូតូនេះ បានបណ្តាលឱ្យស្លាប់ទាំងសងខាង។ រីឯជនរងគ្រោះទាំង២នាក់ តែមិនទាន់ស្គាល់អត្តសញ្ញាណ និង ម៉ាកម៉ូតូនៅឡើយ។

ក្រោយពេលកើតហេតុ សមត្ថកិច្ចកំពុងស្រាវជ្រាវ ស្វែងរកក្រុមគ្រួសាសាច់ញាតិឱ្យមកទទួលយកសាកសពទាំងពីរនាក់រៀងៗខ្លួន ទៅចាត់ចែងធ្វើបុណ្យ តាមប្រពៃណី៕