គ្រោះថ្នាក់ចរាចរណ៍ រវាងរថយន្តRange Rover បុកគ្នារថយន្ដ Ford ពេញមួយទំហឹង នៅផ្លូវបំបែកជាបួន ខ្ទេចទាំងសងខាង

រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើង រវាងរថយន្តម៉ាក Range Rover បុកគ្នាជាមួយរថយន្ដ Ford ពេញមួយទំហឹង នៅផ្លូវបំបែកជាបួន បណ្ដាលរងការខូចខាតទាំងសងខាង កាលពីវេលាម៉ោង ៩យប់ ថ្ងៃទី១៨ ខែតុលា ឆ្នាំ២០២១ នៅតាមបណ្តោយផ្លូវ ៥៦៨ កែង៣៣១ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គេបានឃើញរថយន្ដស៊េរីទំនើប Range Rover មួយគ្រឿង ដែលពាក់ស្លាកលេខ ភ្នំពេញ 2BI-0006 បើកបរសង្ស័យក្នុងល្បឿនលឿន ទិសដៅពីត្បូងទៅជើង មកដល់ចំណុចកើតហេតុ ផ្លូវបំបែកជាបួន ក៏បានបុកគ្នាជាមួយនិងរថយន្ដ Ford មួយគ្រឿង ដែលពាក់ស្លាកលេខ ភ្នំពេញ 2AB-8633 ក្នុងទិសដៅពីកើតមកលិច ក៏បានបុកគ្នាពេញមួយទំហឹង បណ្ដាលឲ្យរថយន្ដទំាង២គ្រឿង រងការខូចខាតយ៉ាងដំណំ តែម្តង។

ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌទួលគោក បានធ្វើការស្ទូចរថយន្តយកទៅរក្សាទុកនៅឯអធិការដ្ឋាននគរបាលខណ្ឌទួលគោក ដើម្បីរង់ចាំម្ចាស់រថយន្ដទាំងសងខាង ចូលមកដោះស្រាយគ្នាទៅតាមផ្លូវច្បាប់៕