រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើង រវាងរថយន្តម៉ាក Range Rover បុកគ្នាជាមួយរថយន្ដ Ford ពេញមួយទំហឹង នៅផ្លូវបំបែកជាបួន បណ្ដាលរងការខូចខាតទាំងសងខាង កាលពីវេលាម៉ោង ៩យប់ ថ្ងៃទី១៨ ខែតុលា ឆ្នាំ២០២១ នៅតាមបណ្តោយផ្លូវ ៥៦៨ កែង៣៣១ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គេបានឃើញរថយន្ដស៊េរីទំនើប Range Rover មួយគ្រឿង ដែលពាក់ស្លាកលេខ ភ្នំពេញ 2BI-0006 បើកបរសង្ស័យក្នុងល្បឿនលឿន ទិសដៅពីត្បូងទៅជើង មកដល់ចំណុចកើតហេតុ ផ្លូវបំបែកជាបួន ក៏បានបុកគ្នាជាមួយនិងរថយន្ដ Ford មួយគ្រឿង ដែលពាក់ស្លាកលេខ ភ្នំពេញ 2AB-8633 ក្នុងទិសដៅពីកើតមកលិច ក៏បានបុកគ្នាពេញមួយទំហឹង បណ្ដាលឲ្យរថយន្ដទំាង២គ្រឿង រងការខូចខាតយ៉ាងដំណំ តែម្តង។
ក្រោយពេលកើតហេតុ សមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌទួលគោក បានធ្វើការស្ទូចរថយន្តយកទៅរក្សាទុកនៅឯអធិការដ្ឋាននគរបាលខណ្ឌទួលគោក ដើម្បីរង់ចាំម្ចាស់រថយន្ដទាំងសងខាង ចូលមកដោះស្រាយគ្នាទៅតាមផ្លូវច្បាប់៕
![](https://st-tvfb.com/uploads/2021/10/19/media/large/22260/photo_2021-10-19_09-49-14.jpg?1634611784)
![](https://st-tvfb.com/uploads/2021/10/19/media/large/22258/photo_2021-10-19_09-49-15.jpg?1634611783)
![](https://st-tvfb.com/uploads/2021/10/19/media/large/22261/photo_2021-10-19_09-49-16_(2).jpg?1634611784)
![](https://st-tvfb.com/uploads/2021/10/19/media/large/22259/photo_2021-10-19_09-49-16.jpg?1634611784)