ភ្នំពេញ ៖ បុរសមិនស្គាល់អត្តសញ្ញាណម្នាក់បានលោតសម្លា.ប់ខ្លួនពីលើស្ពានអាកាសផ្សារដីហុយក្នុងកម្ពស់ប្រមាណ៦ម៉ែត្រ ដោយពុំដឹងពីមូលហេតុឡើយ បណ្តាលអោយរងរបួសធ្ងន់ត្រូវបានរថយន្តបញ្ជូនទៅសង្គ្រោះនៅមន្ទីរពេទ្យ ។ការធ្វើអត្តឃា.តនេះបង្កអោយមានការភ្ញាក់ផ្អើល និងកកស្ទះចរាចរណ៍ កាលពីវេលាម៉ោងប្រមាណ៨ព្រឹក ថ្ងៃទី១៤ ខែតុលា ឆ្នាំ ២០២១ នៅចំណុចកណ្តាលស្ពានអាកាសផ្សារដីហុយ ដែលស្ថិតនៅតាមបណ្តោយមហាវិថីសហព័ន្ធរុស្ស៊ី កែងផ្លូវភ្នំពេញហាណូយ ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ។បុរសដែលមានវិបត្តរូបនោះគេពុំស្គាល់អត្តសញ្ញាណឡើយមានអាយុប្រមាណជាង២០ឆ្នាំ ដែលសមត្ថកិច្ចមានការសង្ស័យថា ជាមនុស្សអានាថា និងញៀនថ្នាំ ។
តាមសាក្សីបានអោយដឹងថា នៅមុនពេលកើតហេតុគេឃើញ បុរសម្នាក់នោះបានធ្វើដំណើរដោយថ្មើរជើងឡើងស្ពានអាកាសផ្សារដីហុយក្នុងទិសដៅពីកើតទៅលិច ។ ពេលដល់កណ្តាលស្ពានក៏បានលោតសម្លា.ប់ខ្លួនទៅក្រោមក្នុងកម្ពស់ប្រមាណ៦ម៉ែត្របានបោកទៅលើថ្នល់រងរបួសធ្ងន់តែម្តង ។តាមអ្នកធ្លាប់ស្គាល់អោយដឹងថា បុរសម្នាក់រូបនោះជាជនជាតិវៀតណាមដែលញៀនថ្នាំស្នាក់នៅម្តុំវត្តព្រះពុទ្ធ ហើយបានធ្វើដំណើរមកប៉ងលោតសម្លា.ប់តាំងពីព្រឹកព្រលឹមស្រាងៗម្តងមកហើយ តែត្រូវបានគេឃាត់ ។លុះក្រោយមកក៏បានឡើងស្ពានម្តងទៀតលោតសម្លា.ប់ខ្លួនបានសម្រេចតែមិនស្លា.ប់ ។ បន្ទាប់ពីធ្វើអត្តឃាតបុរសរូបនោះបានរងរបួសធ្ងន់ដេកលើដងផ្លូវ បង្កអោយមានការភ្ញាក់ផ្អើល និងកកស្ទះចរាចរណ៍យ៉ាងខ្លាំង ហើយរថយន្ត សាម៉ុយឯកជនទៅដល់ដែរតែអត់យកឡើយ ។លុះក្រោយមកអស់រយៈពេលប្រមាណ១ម៉ោងទើបរថយន្តសាម៉ុយ របស់មន្ទីរពេទ្យ បង្អែកមិត្តភាព កម្ពុជាចិនសែនសុខមកយកបញ្ចូនទៅសង្គ្រោះ ។ទាក់ទិនការធ្វើអត្ថឃាតនេះគេពុំដឹងពីមូលហេតុអ្វីឡើយ ។ បើតាមសមត្ថកិច្ចមានការសង្ស័យថា បុរសនោះបែកថ្នាំ ៕
