តារាពហុជំនាញ លោក ដួង សុខគា បានធ្វើអោយទស្សនិកជនភ្ញាក់ផ្អើល ដោយសារលោកស្រាប់តែ ប្រកាសថាថតភាពយន្តដំបូងគេតាំងពីចូលសិល្បៈ។ យ៉ាងណាមហាជន សុទ្ឋតែចង់ដឹងថា ស្ទីលសម្តែងរបស់លោក មានតិចនិចបែបណា អាចចូលតួបានទេ ក្នុងពេលបោះជំហ៊ានថ្មី។
ដួង សុខគាប្រហែលជា ចង់ផ្លាស់ប្តូរល្បិចនៃការសម្តែងអោយប្លែក ទើបសម្រេចចិត្តវាយលុក ការថតភាពយន្តភាគលើកដំបូង អោយសុីធីអិន។ លោកថែមទាំងបានចាប់ដៃគូសម្តែង ជាមួយអ្នកនាងផាភួងទៀតផង។បែបនេះហើយទើប ទស្សនិកជនចង់ ផ្ទៃរឿងទាំងមូលដែល លោកសម្តែងសុីជម្រៅបែបមិចវិញ។
ដួង សុខគាត្រូវគេដឹងថា មានជំនាញខាងច្រៀង អាយ៉ៃ និងចេះប្រើពាក្យពេចន៍កំណាព្យកាបឃ្លោង យ៉ាងល្អ។ លោកត្រូវបានមាតាបិតា របស់កូនមន្ត្រីជាន់ខ្ពស់ជាច្រើនអញ្ជើញអោយ បានចូលរួមច្រៀងកាត់សក់ក្នុងមង្គលការ។លោកជា អ្នកចម្រៀងអាយ៉ៃ ដែលរមែងច្រៀងអប់រំ យុវវ័យអោយ ដើរផ្លូវល្អ ដែលសង្គមទទួលស្គាល់។
