ភ្នំពេញ៖ ឧកញ៉ា ហ៊ួត ជា ដែលមហាជនស្គាល់ជាទូទៅថាជាអ្នកជំនួញដ៏ជោគជ័យមួយរូបក្នុងប្រទេសកម្ពុជា ពេលនេះបានធ្វើឲ្យមហាជនភ្ញាក់ផ្អើល និងចាប់អារម្មណ៍ដែលលោកបានបង្ហោះសារនៅក្នុងហ្វេសប៊ុករបស់ខ្លួន ដោយបានលួចសរសើរក្មេងស្រីតូចណាណា ដែលល្បីកក្រើកពេញបណ្តាញសង្គមតាមរយៈវីដេអូឃ្លីបខ្លីៗ ។
បើតាមគណនីហ្វេសប៊ុករបស់ឧកញ៉ា ហ៊ួត ជាផ្ទាល់នៅថ្ងៃទី២៧ ខែកក្កដា ឆ្នាំ២០២១នេះ បានបង្ហោះសារថា «មនុស្សម្នាក់ៗ មានដុង មានទេពកោសល្យ ពីធម្មជាតិកម្ររ រកបាន បងប្អូនខ្មែរយើងបើមាន កូនចៅ ឬបងប្អូនចេះដូចនេះ សូមជួយលើកស្ទួយគាត់ទាំងអស់គ្នា ផ្តល់កំលាំងចិត្ត លើកទឹកចិត្តទាំងអស់គ្នា ព្រោះដ្ថ្ងៃក្រោយគាត់គឺជាធនធានល្អៗរបស់សង្គមជាតិ នៅតែសសើរ ម៉ាក់ប៉ាពូកែរអប់រំណាណាបានល្អ»។
មហាជនអ្នកលេងបណ្តាញសង្គមហ្វេសប៊ុកបន្ទាប់ពីបានឃើញសារដែលលោកឧកញ៉ា ហ៊ួត ជា បានបង្ហោះនេះបាននាំគ្នាចូលស៊ែរខំម៉ិនជាច្រើនដោយក្នុងនោះមានការបញ្ចេញមតិគំនិតយោបល់របស់ខ្លួនថែមទៀតផង ។ ជាក់ស្តែងគណនីហ្វេសប៊ុកមួយឈ្មោះ Pisey Va ខំម៉ិនថា «អូនNaNa ឆ្លាតណាស់ពេលខ្ញុំស្តាប់គាត់និយាយតាមvideo clip ដែលបង្ហោះតាមប្រព័ន្ធសង្គម Fb គឺគួរអោយស្រលាញ់ណាស់ »។
សូមជម្រាបថា តាមរយៈវីដេអូឃ្លីបខ្លីៗរបស់ខ្លួននីមួយៗ ណាណាតែធ្វើឲ្យមហាជនចាប់អារម្មណ៍លួចស្រលាញ់លាយខ្នាញ់ដោយសារតែស្អាតឆ្លាត សម្លេងពិរោះ និងពូកែនយាយថែមទៀត ។ អ្វីដែលធ្វើឲ្យមហាជនកាន់តែចាប់អារម្មណ៍ខ្លាំងលើក្មេងស្រីតូចនេះ គឺនៅពេលដែលណាណា បានចេញវីដេអូឃ្លីបមួយដែលសម្តែងអារម្មណ៍ពីការចង់ចាក់វ៉ាក់សាំងការពារកូវីដ-១៩ប៉ុន្តែមិនទាន់គ្រប់អាយុដែលអាចចាក់បាន ។ មិនតែប៉ុណ្ណោះណាណា បានរៀបរាប់ឈ្មោះវ៉ាក់សាំងបានយ៉ាងល្អ និងដឹងពីអត្ថប្រយោជន៍របស់វ៉ាក់សាំងទាំងអស់នោះទៀតផង ៕
