មហាជនផ្ទុះការចាប់អារម្មណ៍ខ្លាំង និងកោតសរសើរស្នាដៃរចនាប្រាសាទបុរាណខ្មែរបញ្ចូលគ្នាយ៉ាងល្អអស្ចារ្យលេចធ្លោដែលធ្វើឲ្យមហាជនកាន់តែនឹកឃើញដល់មរតកអច្ឆរិយរបស់បុព្វបុរសខ្មែរដែលមានតម្លៃកាត់ថ្លៃមិនបាន ស្របពេលដែលថ្មីៗនេះមានរឿងកក្រើកពាកព័ន្ធនឹងប្រាសាទអង្គរវត្តដែលល្បីថា នៅថៃកំពុងកសាងប្រាសាទថ្មដែលមានរាងសណ្ឋានដូចប្រាសាទអង្គរវត្ត ។
បើយោងតាមគណនីហ្វេសបុកមួយឈ្មោះ Meng ដែលបានបង្ហោះរូបភាពដ៏ល្អប្រណិតនេះត្រូវបានគេ សង្កេតឃើញថា មានការរចនាបញ្ចូលគ្នានូវសំណង់ប្រាសាទខ្មែរបុរាណជាច្រើនដោយក្នុងនោះរួមមាន ប្រាសាទបាយ័ន្ត បា្រសាទអង្គរវត្ត តាព្រហ្ម រួមនឹងប្រាសាទបុរាណ និងរូបចម្លាក់បុរាណជាច្រើនទៀត ដែលរំលេចចេញជាស្នាដៃថ្មីមួយយ៉ាងល្អប្រណិត ។
សូមជម្រាបថា រូបភាពមួយសន្លឹកដែលបង្ហោះក្នុងបណ្តាញសង្គមទាក់ទាញចំណាប់អារម្មណ៍ខ្លាំងពី មហាជននេះកើតចេញពីស្នាដៃកូនខ្មែរមួយរូបឈ្មោះ អៀង មួយឡេង ភេទប្រុស អាយុ ៣៣ឆ្នាំ បច្ចុប្បន្នរូបគាត់ជាអ្នកបម្រើការងារផ្នែកខាងរចនាក្រាហ្វិក(Graphic Design) នៅខេត្តកំពង់ឆ្នាំង ៕
