នគរបាលស្រុកបាណន់បង្ក្រា បនិងឃាត់ខ្លួ នជនរក្សាទុក និងជួញដូរគ្រឿងញៀនខុសច្បាប់ ចំនួន៤នាក់ក្នុងបទល្មេីសជាក់ស្តែង

ខេត្តបាត់ដំបង ៖ នៅថ្ងៃអង្គារ ទី០១ ខែមិថុនា ឆ្នាំ២០២១ វេលាម៉ោង០១និង១៥នាទី នៅចំនុចភូមិព្រៃផ្តៅ ឃុំតាគ្រាម ស្រុកបាណន់ កម្លាំងអធិការដ្ឋាននគរបាលស្រុកបាណន់ បានធ្វើការបង្ក្រាបករណីរក្សាទុក ជួញដូរ ចែកចាយ ដោយខុសច្បាប់នូវសារធាតុញៀន ១ករណី ក្នុងករណីជាក់ស្តែង ។ ក្នុងកិច្ចប្រតិបត្តិការនេះ សមត្ថកិច្ចបានធ្វេីការឃាត់ខ្លួនជនសង្ស័យ ចំនួន០៤ នាក់ ១.ឈ្មោះ គឹម សុខហេង ភេទប្រុស អាយុ ៣៣ឆ្នាំ ជនជាតិខ្មែរ រស់នៅភូមិកម្មករ សង្កាត់ស្វាយប៉ោ ក្រុងបាត់ដំបង ២.ឈ្មោះ ចន ភារុន ភេទប្រុស អាយុ ២៦ឆ្នាំ ជនជាតិខ្មែរ រស់នៅភូមិវត្តគរ សង្កាត់វត្តគរ ក្រុងបាត់ដំបង ៣.ឈ្មោះ ថា រស្មី ភេទប្រុស អាយុ ១៦ឆ្នាំ ជនជាតិខ្មែរ រស់នៅភូមិដំបូកខ្ពស់ ឃុំអូរដំបង២ ស្រុកសង្កែ និង៤.ឈ្មោះអុិម អំ ភេទប្រុស អាយុ ៥៩ឆ្នាំ ជនជាតិខ្មែរ រស់នៅភូមិស្រែទម្លាប់ ឃុំព្រះបាទជាន់ដុំ ស្រុកគីរីវង្ស ខេត្តតាកែវ។

ជាលទ្ធផល សមត្ថកិច្ចបានធ្វេីការដកហូតវត្ថុតាង រួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០៤ថង់
-ម៉ូតូ០១គ្រឿង ម៉ាកហុងដា ឌ្រីម ស៊េរីឆ្នាំ២០២០ ពណ៌ខ្មៅ ពាក់ផ្លាកលេខ បាត់ដំបង 1AF-2848 មានលេខម៉ាសុីន-ND125ME5407106 (គុណភាពល្អ៩០%)
-ទូរស័ព្ទចំនួន ០៣គ្រឿង (ចាស់បែកកញ្ចក់)។

ករណីនេះ កម្លាំងសមត្ថកិច្ចបាន បញ្ជូនជនសង្ស័យ ព្រមទាំងវត្ថុតាង មកកាន់ការិយាល័យជំនាញនៃស្នងការដ្ឋាននគរបាលខេត្ត ដេីម្បីអនុវត្តបន្តតាមផ្លូវច្បាប់៕