ភ្នំពេញ៖ បុរសពីរនាក់បានរងរបួសធ្ងន់ខណៈដែលជិះម៉ូតូមួយគ្រឿងចាប់ហ្រាំងមិនទាន់ជ្រុលទៅបុកជាមួយនឹងរថយន្តពេញទំហឹង កាលពីវេលាម៉ោង ១១ និង ៣៥ នាទី ថ្ងៃទី០១ ខែមិថុនា ឆ្នាំ២០២១ ដែលស្ថិតនៅតាមបណ្តោយផ្លូវបេតុង ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ។
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តស្ទូចមួយគ្រឿងម៉ាកហីយ៉ានដាយពណ៌សពាក់ស្លាកលេខភ្នំពេញ 3E-626 បើកបរដោយបុរសម្នាក់នឹងអ្នករួមដំណើរជាព្រូ បើកបរក្នុងទិសដៅពីកើតទៅលិចលុះមកដល់ត្រង់ចំណុចកើតហេតុក៏បានបើកគេចពីរថយន្តមួយគ្រឿងទៀតមកឆ្វេងដៃ ស្រាប់តែមានម៉ូតូម៉ាកសងសេ១២៥ ពណ៍ខ្មៅពាក់ស្លាកលេខភ្នំពេញ1FE 4620 បើកបរដោយបុរសម្នាក់នឹងម្នាក់ទៀតជាអ្នករួមដំណើរក្នុងទិសដៅបញ្ជ្រាស់គ្នាពីលិចទៅកើតក្នុងល្បឿនលឿន ចាប់ហ្រាំងមិនទាន់ជ្រុលទៅបុកចំពីមុខរថយន្តពេញទំហឹងបណ្តាលឲ្យរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់ភ្លាមៗ ចំណែកម៉ូតូរងការខូចខាតយ៉ាងដំណំ ។
បន្ទាប់ពីកើតហេតុម្ឋកិច្ចមូលដ្ឋានបានចុះទៅដល់ទីតាំងកើតហេតុរួចបានទំនាក់ទំនងទៅសម្ថកិច្ចចរាចរណ៍ខណ្ឌ ចុះទៅធ្វើការវ៉ាស់វែងយករថយន្ត នឹងម៉ូតូទៅរក្សាទុកនៅអធិការដ្ឋាននគរបាលខណ្ឌសែនសុខរងចាំធ្វើការដោះស្រាយគ្នានៅពេលក្រោយតាមផ្លូវច្បាប់ ៕
