ព្រះសីហនុ៖ ក្រុមការងារសង្គ្រោះGTVC និងអូប័រពេទ្យល្បឿនលឿន បានទៅទទួលយកជនរងគ្រោះ២នាក់ប្តីប្រពន្ធ រលាកភ្លើងដោយសារអគ្គិភ័យផ្ទុះកំប៉ុងហ្គាស បញ្ជូនយកមកសង្គ្រោះបន្ទាន់នៅមន្ទីរពេទ្យបង្អែកខេត្តព្រះសីហនុ កាលពីរសៀលថ្ងៃទី១៩ ខែឧសភា ឆ្នាំ២០២១ ។
ស្រ្តីជនរងគ្រោះជាប្រពន្ធមានឈ្មោះ វេង ស្រីរែន អាយុ៣៨ឆ្នាំ មុខរបរ កម្មករ បឹងហ្គាឡូ រងបួសឆេះពេញខ្លួនប្រាណ និងប្ដីឈ្មោះ សឿ វិត អាយុ ៤១ ឆ្នាំ មុខរបរ កម្មករបឹងហ្គាឡូ រងបួសឆេះជើង ជាប្រជាពលរដ្ឋរស់នៅ ភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។
ប្រភពពីសមត្ថកិច្ចបានបញ្ជាក់ថា មូលហេតុដែលបណ្តាលអោយមានអគ្គិភ័យឆាបឆេះខាង លើនេះ គឺបណ្តាលមកពីផ្ទុះកំប៉ុងហ្គាសឆាបកាដុងសាំង ក៏បណ្ដាលឲ្យឆាបឆេះជនរងគ្រោះជាប្តីប្រពន្ធខាងលើរងរបួសធ្ងន់ ៕
