ភ្នំពេញ៖ មហាជនសម្តែងការភ្ញាក់ផ្អើលនៅពេលឃើញតារាជើងចាស់លោក យាយ ណយ សំណាង ក្នុងសភាពសុខភាពទ្រុធទ្រោមខ្លាំងដែលកំពុងតែសង្គ្រោះបន្ទាន់ នៅថ្ងៃទី១៤ ខែឧសភា ឆ្នាំ២០២១នេះ ។
បើតាមកូនប្រុសរបស់តារាសម្តែងជើងចាស់អ្នកស្រី ណយ សំណាង គឺតារាចម្រៀងលោក វណ្ណា ស័ក្តិ បានបង្ហោះរូបភាពនឹងខ្លឹមសារដ៏គួតក់ស្លុត បង្ហាញពីម្តាយរបស់ខ្លួនកំពុងស្ថិតនៅក្នុងឡានពេទ្យសង្គ្រោះបន្ទាន់ ។ លោក វណ្ណា ស័ក្តិ មិនបានបញ្ជាក់ជំងឺរបស់លោកយាយ ណយ សំណាង ថាជាជំងឺអ្វីឲ្យពិតប្រាកដនោះទេ ។
បើទោះបីយ៉ាងណាក្តីក្រោយពីឃើញនូវស្ថានភាពសុខភាពរបស់តារាជើងចាស់រូបនេះ ហើយ មហាជននៅកំពុងសង្ស័យ និងបន្តតាមដានដំណឹងនេះបន្តទៀត ។ ទន្ទឹមនឹងនេះ មហាជនមួយចំនួនបានជូនពរឲ្យតារាជើងចាស់ ណយ សំណាង ឆាប់បានជាសះស្បើយពីជំងឺ និងមានសុខភាពល្អឡើងវិញ ៕
