ពិតជារឿងមួយប្លែកទៀតហើយ ដែលការបង្ហាញ ឈុតតំណាងជាតិ នៃបវរកញ្ញាចក្រវាឡពិភពលោក ស្រាប់តែមានឈុតមួយរបស់ប្រទេសហ្វីលីពីនទទួលការរិះគន់ពី ប្រជាជនខ្លួន។ ឈុតដែលគ្រងឡើងលើឆាកនោះធ្វើអោយពលរដ្ឋ ហ្វីលីពីនចម្លែកខ្លាំងហើយក្លាយជារឿងមិននឹកស្មាន។
ភាពខុសប្លែកទម្រង់ដើមហើយបង្កការ ថ្នក់ចិត្តពីអ្នកគាំទ្រហ្វីលីពីនដោយ សារឈុតតំណាងជាតិហ្វីលីពីនគ្រងដោយកញ្ញា Rabiya Mateo ពីមុនលើកឆាក រ៉ូបស្លាបពណ៌ខៀវនិងក្រហមម្ខាងៗ វែងអន្លាយដែល សាកសមហើយជឿថា លេចធ្លោឆក់បានចំណាប់អារម្មណ៍។លុះដល់ពេលឃើញ បង្ហាញផ្លូវការបែរជា សម្រួម អោយខ្លីដែលមើលហើយ អ្នកគាំទ្រយល់ថាមិនសម ហើយធ្លាក់សម្រស់ឬ សោភ័ណភាព។ មិនដឹងថាមានមូលហេតុយ៉ាងណាទេនៅពេល មានការកែទម្រង់ភ្លាមៗនោះ។ ចំនែកបវរកញ្ញា ចក្រវាឡហ្វីលីពីន នាងបានចេញវិដេអូនិយាយរៀបរាប់ ដោយយំស្រក់ទឹកភ្នែកពេញថ្ពាល់ ផងដែរ។ ទោះជាមានរឿងបែបនេះក្តី អ្នកគាំទ្របវរកញ្ញា រូបនេះនៅតែលើកឡើងថា នាងធ្វើបានល្អហើយសាកសម និងយល់ថានៅសល់ ការបង្ហាញសមត្ថភាពជាច្រើន វិញ្ញាសាទៀតដែល អាចសង្ឃឹមលេចធ្លោ។ ហ្វីលីពីនធ្លាប់បានក្លាយជារាជនីលើកមកុដចក្រវាឡ ពិភពលោក ឆ្នាំ២០១៩ ហើយក្លាយជាការតាមដាននៅឆ្នាំនេះណាស់ ដើម្បីអ៊ុតមើលថា ឈ្នះមកុដបន្តទៀតឬយ៉ាងណា។
