ភ្នំពេញ៖ កាលពីពេលថ្មីៗកន្លងទៅនេះ លោកគ្រូមហាជ័យ បានធ្វើពិធីបួងសួងដល់ស្តេចនាគរាជនៅលើទន្លេចតុមុខដើម្បីអធិដ្ឋានសុំឲ្យទស្សបារមីស្តេចនាគរាជ ជួយបញ្ជៀសគ្រោះកាចចង្រៃដែលបានកើតមានឡើងឲ្យរលាយសាបសូន្យនិងនាំមកនូវលាភជ័យជូនប្រទេសកម្ពុជា ។
ពិធីបួងសួងនេះមានការរៀបចំឡើងយ៉ាងស្រស់ស្អាត និងល្អឥតខ្ចោះផងដែរដោយមានអ្នករបាំរូបឆោមស្រស់សោភារាំបាចផ្កាជូនពរនៅលើទូកលើផ្ទៃទឹកមុខទន្លេបួនមុខឃើញហើយគួរឲ្យចង់ទស្សនា និងចាប់អារម្មណ៍ខ្លាំងណាស់ ។
លើសពីនេះមានវត្តមានអ្នកចូលរួមយ៉ាងច្រើននៅមុខទន្លេបួនមុខបាននាំគ្នាពោលពាក្យសរសើរទៅកាន់លោកគ្រូមហាជ័យថា៖” សុំសរសើរលោកគ្រូមហាជ័យនៅក្មេងសោះតែមានទឹកចិត្តអញ្ជើញមកបួងសួងដល់ទស្សបារមីស្តេចនាគរាជ ឲ្យជួយបញ្ជៀសគ្រោះកាចចង្រៃនៅកម្ពុជា” ។
ឯអ្នកខ្លះទៀតបាននិយាយថា មិនឆ្ងល់នោះទេថាហេតុអ្វីបានជាលោគ្រូមហាជ័យធ្វើអ្វីក៏ជោគជ័យ និងសម្រេចគ្រប់ភារកិច្ចនោះមើលតែទង្វើលោកគ្រូទៅដឹងហើយ មនុស្សល្អតែងតែមានទេវតាតាមថែរក្សាសូម្បីតែព្រាយបិសាចក៏មិនហ៊ានទៅក្បែរព្រោះតែខ្លាចទង្វើល្អរបស់លោកគ្រូ៕
