ភ្នំពេញ៖ ចំណូលប្រចាំខែមករា ឆ្នាំ២០២១ កំពង់ផែស្វយ័តភ្នំពេញរកចំណូលបាន ២,៤៧០,២៣០ដុល្លារ មានការថយចុះ១២ភាគរយ បើធៀបរយៈពេលដូចគ្នាឆ្នាំ២០២០ ។ នេះបើយោងតាមរបាយការណ៍ផ្លូវការរបស់កំពង់ផែស្វយ័តភ្នំពេញកាលពីពេលថ្មីៗកន្លងទៅនេះ ។
ប្រភពខាងលើនេះបានឲ្យដឹងថា ចំណូលរបស់កំពង់ផែស្វយ័តភ្នំពេញ ប្រចាំខែមករា ឆ្នាំ២០២១នេះរួមមាន ចំណូលបានប្រតិបត្តិការផែ មានចំនួន ១,៩៧២,៤៩៤ដុល្លារ ថយចុះ១១ភាគរយ ។ ចំណូលបានពីអាជ្ញាធរផែ មានចំនួន ២៧០,២០៨ដុល្លារ ថយចុះ៣៦ភាគរយ ។ ចំណូលបានពីសេវាកម្មផ្សេងៗ មានចំនួន ៣៥,២៥០ដុល្លារ កើន ២១៤ភាគរយ ។ ចំណូលផ្សេងៗ មានចំនួន ១៩២,២៧៨ កើន ១៧ភាគរយ ។
របាយការណ៍ផ្លូវការរបស់កំពង់ផែស្វយ័តភ្នំពេញបញ្ជាក់ផងដែរថា ចំណូលប្រចាំខែមករា ឆ្នាំ២០២០កន្លងទៅ មានចំនួន ២,៨០៥,៨៣៧ ដុល្លារអាមេរិក ៕
