គ្រោះថ្នាក់ចរាចរណ៍ រវាងរថយន្តនិងម៉ូតូ បុកគ្នា ស្រុកអូររាំង ខេត្តមណ្ឌលគិរី ស្លាប់ម្នាក់នៅនឹងកន្លែង

ខេត្តមណ្ឌលគិរី ៖ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តនិងម៉ូតូ បណ្តាលអោយ បុរសម្នាក់ស្លាប់នៅនឹងកន្លែង នៅយប់ថ្ងៃទី៤ ខែមីនា ឆ្នាំ២០២១។

ជនរងគ្រោះដែលជាអ្នកបើកបរម៉ូតូឈ្មោះ ញ៉ាញ់សុខ អាយុ៣០ឆ្នាំ មុខរបរកសិករមានទីលំនៅបច្ចុប្បន្ននៅរស់នៅភូមិពូឆបឃុំដាក់ដាំស្រុកអូរាំងខេត្តមណ្ឌលគីរី បានស្លាប់ភ្លាមៗ នៅនឹងកន្លែងកើតហេតុ។

សូមបញ្ជាក់ផងដែរថា អ្នកបើកបរម៉ូតូ ក្នុងទិសដៅបញ្ច្រាស់ទិសគ្នាដោយរថយន្តបើកពីទិសខាងលិចទៅទិសខាងកើត បណ្តាលអោយបុកជាមួយ ម៉ូតូ គ្មានផ្លាកលេខ ដោយភាគីជាអ្នកបើកបរម៉ូតូ ជិះចេញពីកើតទៅលិចករណីគ្រោះថ្នាក់ចរាចរណ៍ខាងលើនេះ បានកើតឡើងនៅត្រង់ចំណុចភូមិពូឆបឃុំដាក់ដាំស្រុកអូររាំង ខេត្តមណ្ឌលគិរី នៅត្រង់ចន្លោះគីឡូម៉ែត្រលេខ៨–៩លើដងផ្លូវជាតិ៧៦A។ ចំពោះអ្នកបើកបររថយន្តពុំទាន់បានស្គាល់អត្តសញ្ញាណនៅឡើយដោយបានបើករថយន្តរត់គេចខ្លួនបាត់។

បច្ចុប្បន្នសពជនរងគ្រោះត្រូវបានកម្លាំងសណ្ដាប់ធ្នាប់នៃអធិការដ្ឋាននគរបាលស្រុកអូររាំងប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី៕