ភ្នំពេញ ៖ រថយន្តធន់ធំបើកបុកហើយអូសម៉ូតមួយគ្រឿងជាច្រើនម៉ែត្រ បណ្តាលឲ្យស្លាប់ម្នាក់ភ្លាមៗ នៅនឹងកន្លែងកើតហេតុ កាលពីម៉ោង៦ព្រឹកថ្ងៃទី០៣ ខែមិនា ឆ្នាំ២០២១ ស្ថិតនៅតាមបណ្តោយផ្លូវជាតិលេខ៣ ក្នុងភូមិត្រាំខ្នារ ស្រុកបាទី ខេត្តតាកែវ។
សមត្ថកិច្ចបានអោយដឹងថា នៅមុនពេលកើតហេតុគេឃើញរថយន្តធំ ម៉ាក Nissan Diesel ពាក់ស្លាកលេខ ភ្នំពេញ 3E-3126 បើកបរដោយបញ្រ្ជាទិសដៅគ្នាបណ្តាលអោយទៅបុកនិងម៉ូត Honda Dream សេរីចាស់ ពេញទំហឹង និងអូសជាច្រើនម៉ែត្រ បានធ្វើឲ្យបុរសដែលបើកបរម៉ូតូនោះ បានស្លាប់ ភ្លាមៗនៅនិងកន្លែងកើតហេតុ។
ជនរងគ្រោះដែលបានស្លាប់នេះមានឈ្មោះសុខ ណុប ភេទប្រុសអាយុក៤៩ មុខរបរជាកសិករ រស់នៅភូមិជ្រៃ ឃុំជង្រុក ស្រុកបាទី ខេត្តតាកែវ។
ក្រោយកើតហេតុ អ្នកបើកបររថយន្តធំនោះបានរត់ គេចខ្លួនបាត់ស្រមោល បន្សល់ទុកត្រឹមសាកសពដេកនៅកណ្តាលផ្លូវ។ ចំពោះសព សមត្ថកិច្ចបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីហើយ រថយន្តនិងម៉ូតូសមត្ថកិច្ចយកទៅរក្សារដើម្បីដោះស្រាយគ្នាតាមក្រោយ៕
