ខេត្តកោះកុង ៖ មានករណីគ្រោះថ្នាក់ចរាចរណ៍ផ្លូវគោកកើតឡើងដោយម៉ូតូ បុកអ្នកដើរថ្មើរជើង បណ្តាលឲ្យរងរបួសធ្ងន់ និងបានស្លាប់នៅពេលបញ្ជូនជនរងគ្រោះទៅមណ្ឌលសុខភាពប៉ាក់ខ្លង កាលពីល្ងាចថ្ងៃទី២៨ ខែកុម្ភៈ ឆ្នាំ២០២១ នៅចំណុច ផ្លូវកោងមុខវត្តប៉ាក់ខ្លង ឃុំប៉ាក់ខ្លង ស្រុកមណ្ឌលសីមា។
ជនរងគ្រោះឈ្មោះ ចឹង ង៉ុកយ៉ុង ភេទស្រី អាយុ៦៧ឆ្នាំ មានទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា រីឯជនបង្កឈ្មោះ ខេង លីន ភេទស្រី អាយុ២៧ឆ្នាំ មានទីលំនៅភូមិនាងកុក ឃុំប៉ាក់ខ្លង ស្រុកមណ្ឌលសីមា។
បច្ចុប្បន្នកម្លាំងជំនាញ បានឃាត់ខ្លួនជនបង្កដើម្បីរៀបចំសំណុំរឿងបញ្ជូន ទៅឲ្យការិយាល័យចរាចរណ៍ខេត្តចាត់ការតាម និតិវិធី៕
