ហុងកុង៖ តារាសម្តែងហុងកុងម្នាក់ លោកអ៊ូ មឹងតា បានទទួលមរណៈភាព នៅល្ងាចថ្ងៃទី២៧ ខែកុម្ភៈ ឆ្នាំ២០២១នេះ។
យោងតាមការចុះផ្សាយដោយសារព័ត៌មាន DayDay News នៅមុននេះបន្តិច បានបញ្ជាក់ថា លោកអ៊ូ មឹងតា បានស្លាប់នៅអាយុ ៧០ឆ្នាំ ដោយសារជំងឺបេះដូង។
មុនទទួលមរណភាព តារាសម្តែងជើងចាស់ដ៏ ល្បីល្បាញ ដែលលេចមុខ ស្ទើរគ្រប់រឿងរបស់លោក ទិន ហ្វី (Stephen Chow) រូបនេះត្រូវ បានគេ រាយការណ៍ ថា ទទួលការ វះកាត់ កាលពីពេលថ្មី ៗ កន្លងទៅ បន្ទាប់ពីធ្វើរោគវិនិច្ឆ័យ ឃើញថាមាន ជំងឺមហារីក ថ្លើម ដែលតម្រូវទទួល ការព្យាបាល ដោយចាក់ គីមី ។ ដែលបណ្តាល ឱ្យសុខភាព គាត់ចុះ ខ្សោយយ៉ាង ខ្លាំងដែលអាចប្រាស្រ័យទាក់ទង ជាមួយអ្នកដទៃដោយកាយវិការ ដៃតែប៉ុណ្ណោះ ។
សូមបញ្ជាក់ថា លោកអ៊ូ ជាតារាសម្តែងល្បីម្នាក់ ដែលបានចូលក្នុងសង្គមសិល្បៈតាំងតែលោកនៅអាយុ ២២ឆ្នាំ ហើយភាពយន្តចុងក្រោយរបស់លោកអ៊ូគឺ The Wandering Earth ភាពយន្ត Sci-Fi បែបអវសាន្តលោក កាលពីឆ្នាំ 2019។ លោកក៏ធ្លាប់បានដើរតួជាមួយនឹង លោក Chow Sing Chi ដែលជាតួអង្គ ទិនហ្វី ដែលបានសម្តែងនៅក្នុងរឿងដូចជា «ទិនហ្វីតាមបង្ក្រាបស្តេចល្បែង», «ស្តេចល្បែងម៉ាកាវ», «គ្រូចាប់ខ្មោច ទិនហ្វី» និងរឿងជាច្រើនទៀត៕
